Merkezê Îrtîbatî û Çapemenîye yê HPGyî nasnameyê hîrê gerîlayan ke Zap de şehîd bîyî eşkera kerdî û nê pare kerdî:

''Xovedayîşê Zapî yê destankî yo ke vera îşxalkeran yeno rayraberdene de hemrayê ma Dogan, Karker û Rojda ê ke waranê cîya cîyayan ê Kurdîstanî ra tewrê sefanê gerîlayan bîyî, tewrê kerwanê şehîdan bîyî. Hemrayanê ma detpêkerdişî îşxalî ra nata bi fedakarîye şer kerdêne û çalakîyê serkewteyî bi xo organîze kerdî. Ma soz danê ke ma do waştişê hemrayanê xo yê şehîdan bîyarê ca.  Ma sere de keyeyanê erjîyayeyan ê hemrayanê xo heme şarê welatperwerî yê Kurdîstanî rê serweşîye wazenê.

Nasnameyê hemrayanê ma yê şehîdan wina yê:

Nameyê Qodî: Dogan Jîrkî Name û Peyname: Vedat Engin Cayê Bîyayîşî: Colemêrg Maye-Pî:  Zarife – Aydın Tarîx û Cayê Şehadetî: 11ê Temmuza 2022yî / Zap

 

Nameyê Qodî: Rojda Kotol Name û Peyname: Menşure Mudirzade Cayê Bîyayîşî: Kotol Maye-Pî: Huziye – Behroz Tarîx û Cayê Şehadetî: 12ê Hezîrana  2022yî / Zap

 

Nameyê Qodî:  Karker Serbest Name û Peyname: Beşir Akbaş Cayê Bîyayîşî: Şirnex Maye-Pî: Fatma – İsmail Tarîx û Cayê Şehadetî: 12ê Hezîrana  2022yî / Zap

 

Hemrayê ma Dogan  sey ferdêkê eşîrê Jîrkê Colemêrg de yeno dinya û bi kulturê welatperwerîye beno pîl. Wextêk mîlîsîya Gerîlayanê Azadîye yê Kurdîstanî keno û 2013 de tewrê sefanê gerîlayan beno. Bado ke perwerdeyê xo yê verênî yê gerîlatîye vîneno Metîna de pratîk de ca geno. Dima ra Heftanînî ra heta Zagrosan xeylêk cayan de gerîlatîye keno.

Hemrayê ma Dogan mektebê operasyonî de perwerde vîneno û beno gerîlayêko serkewte û demê kilmî de beno fermandar. Fermadanrîya tîmî ra heta fermandarîya yewîye xeylêk merheleyan de wezîfeyanê serkewteyan keno. Badê akedemî verê xo dano Zagrosan. Sey endamê fermandarîya eyaletî tewrê çalakîyanê Zapî yê serkewteyan beno û zafê nê çalakîyan bi xo koordîne keno. Hemrayê Doganî gerîlatîya xo ya 9 serran de heme wezîfeyanê xo bi serkewtişî ano ca.

Hemraya ma Rojda bajarê Xoyî yê Rojhilatê Kurdîstanî de yena dinya û seba ke keyeyê ci welatperwer o rewî ra têgêrayîşê azadîye nas kena. 2017 de xalê aye şehîd beno û seba ke qesasê ey bîgêro 2018 de verê dana koyanê azadan ê Kurdîstanî. 

Hemraya ma Rojda ke xeylêk waranê Herêmanê Pawitişî yê Medya de tewrê xebatan bena û heme wezîfeyê xo biserkewtiş ana ca. Bado ke xo her hetî ra perwerde kena, bena gerîla û fermandarêka serkewtîye ya YJA Starî.

Hemrayê ma Karkero ke sey ferdêkê eşîrê Harunî Hezex de yeno dinya qictîya xo ra têgêrayîşê azadîye nas keno. Hemrayê ma Karkero ke xal û apê ci şehîdê bi vîrameyîşê înan beno pîl. Hemrayê ma Karker heta lîse waneno û vîneno ke mektebanê sîstemî de ciwanê kurdan qoqê ci ra yenê raqilnayene.  Seba ke wayîrê ercanê xo vejîyeno û vera sîstemî têkoşîn keno yeno tepiştene û serrêke zîndan de maneno.

Badê zîndanî xebatan de reyna aktîf ca geno. Hemrayê ma Karker wayîrê mîrasê xal û apê xo vejîyeno û verê xo dano koyanê azadan ê Kurdîstanî. 2017 de operasyonê artêşa tirke yê vera qilê Xeregolî yê Zapî de cehpheyê têkoşînî de ca geno. Nê têkoşînî de destê xo ra birîndar beno la têkoşînî ra dûrî nêkewno. Çalakîyanê serkewteyan ê Zapî de serkêşîye keno. Hemrayê ma Karker xo hetê leşkerî ra aver beno û beno fermandarêko serkewte. Tewr peynî de sey fermandarê yewîye xoverdayîşê Zapî de ca geno û derbeyanê girdan dano dişmenî ro.''