HRE bi eşkerayîyêke pare kerd ke Efrînê îşxalkerdeyî de derbî dîyayî cergan û artêşa tirke ya îşxalkere ro. Goreyê eşkerayîye netîceya çalakîyanê hêzanê înan de tewr tay 3 leşkerî û 8 cergê dewleta tirke ya îşxalkere kişîyayî.
Hêzanê Xelisnayîşê Efrînî (HRE) derheqê çalakîyanê xo yê 22-27ê êlule de eşkerayîyêke daye.
Eşkerayîye wina ya: ''22ê êlule de dewa Enabkî ya qezaya Şera de çalakîya vera cergan ameye kerdene. Netîceya çalakîye hema nêameye zelalkerdene. 26ê êlule de çalakîya Şêrawa de derba verêne de 3 cergî kişîyayî, dima reyna derbe dîyaye îşxalkeran ro. Tîya de zî 5 cergî kişîyayî, 6 cergî zî birîndar bîyî. Netîceya çalakîye de bi temamî 8 cergî kişîyayî û 6 cergî birîndar bîyî. 27ê êlule de çalakîya dewa Gobelî ya Şêrawa de 3 leşkerê tirkî kişîyayî û 2 cergî zî birîndar bîyî.''
