Endamê Komeleya Karkeran a Mezopotamya ya Silêmanî Huseyîn Arasan 9ê hezîrane de verê komele de raştê hêrişê çekdarî amebi û vizêr nêweşxane de şehîd bibi.

Cenazaya Arasanî  morgê tibê edlîyî ra ameye girewtene û ameye berdene Camîya Ahmedî Haci Alîyî. Badê merasîmî cenazaya Arasanî bi konvoyê wesayîtan ameye berdene Şehîdgehê Mehmet Karasungurî yê Qendîlî. Konvoy Qendîl de bi slogana “Şehîd namirin” ame verwazîkerdene.

Bi nameye Komeleya Karkeran a Mezopotamya Muslim Kaplanî vat, “Dişmeno ke wazeno ma têgêrayîşî ra raqilno, wa bizano ke ma rayîrê raştî yê şehîdan de yê. Waştişê şehîdan, waştişo kurdan o. Ma veng danê hukmat, PDK, YNK û heme hetan; Başûrê Kurdîstanî bîyo sey cayê xayînan.  Eke YNK nêwezano  bikewo xeta PDK û faşîstan gerek verê nê hêrişanê terorî bîgêro û kiştoxan bivîno û bido cezakerdene.” 

Badê qiseykerdişan cenazaya Arasanî bi slogananê  “Şehîd namirin” û “Şehîd Huseyin namirin” ameyî definkerdene.

Roja dişemeyî saete mabênê 10.00 û 17.00 de Komeleya Karkeran a Mezopotamya de do tezîye bêro ronayene.