Dima ke Jîna Emînî amebî qetilkerdene Rojhelatê Kurdîstanî û Îran de çalakîyanê şermezarkerdiş û protestoyî dest pêkerdbi. Çalakîyî hema zî dewam kenê.

Goreyê Rêxistina Heqanê Merdiman a Îranî (IHR) heta nika çalakîyan de 83 kesî hetê hêzanê rejîmê Îranî ra ameyî qetilkerdene. Goreyê eşkerayîye nê şaristanan de hende merdimî ameyê qetiilkerdene:

Mazandaran 26, Gîlan 11, Azerbaycan a Rojava 11, Kirmaşan 6, Sine 6, Elbûrz 5, Tehran 4, Kûhgiloye û Bûyar Ehmed 2, Îsfahan 2, Xoraxana Rezewî 2, Zencan 2, Qezvîn 2, Sîmnan 1, Kazvîn 1, Îlam 1, Azerbaycan a Rojhilat 1.

Rêxistine îfade kerd ke heta nika bi hezaran çalakîkerî tepişîyayî û hema zî pêlê tepiştişî dewam keno.

IHRyî teda û zorbazîya rejîmê Îranî şermezar kerde. Îdarekarê IHRyî Mahmood Amiry-Moghaddamî vat: ''Vera çalakîkeran şuxilnayîşê fîşekanê raştikênan sûcêko mîyanneteweyî yo û erkê komelê mîyanneteweyî yo ke nê sûcî vindarno.''