Endamê Komîteya Rayberdişî ya PKKyî Duran Kalkanî bi wesîleya Komployê Mîyanneteweyî yê 9ê Teşrîna Verêne ANFyî rê qisey kerd.

Beşê yewinî yê roportajê Kalkanî ra tay noqtayê girîngî wina yê:

''Serebûto tewr girîn ê seserra 20. Komployo Mîyanneteweyî bi. Rayber Apoyî seserra 20. de têkoşînê şorişgêran aver berdbi coka hêzanê mîyanneteweyîyan waşt ke ey îmha bikerê û nê şorişê pîlî bşiknê. Serranê 90an de Amerîka waştêne Rojhelatê Mîyanênî newe ra dîzayn bikera coka binkewtişê Sovyetan û Şerê Korfezî ra dima seba çinkerdişê PKKyî têgêraye. Amerîka naye ser o çarçewa Operasyonê Çakuçî de Îdareyê Herêma Kurdîstanî da ronayene û seba operasyonanê vera PKKyî Tirkîya reyde têgêraye.

Amerîka wexto ke Komplo kewt rojdemê ci hêrişê vera Rayber Apoyî dayî destpêkerdene. Bi komplo waştêne ke PKKyî bê raybet war verda û tesîrê ci bişikna. Amerîka û Îsraîl zî bi hawayêkê aktîfî mîyanê komployî de bîyî. Reyna NATO zî înan reyde têgêra.

Meseleya kurdan wextê Şerê Dinya yê Yewinî de vejîyaye werte. Kurdî hetê hêzanê mîyanneteweyîyan ra o çax mîyanê qirkerdişî de ameyî verdayene. PKK sey têgêrayîşêkê azadîye yê Vakurê Kurdîstanî vejîya werte la dima pê fikr û îdeolojîya xo aver şi. Bi nê hawayî zî bi hedefê sîstemê modernîteya kapîtalîste. Tirkîya, Sûrîye, Iraq û Îranî pîya bi modernîteya kapîtalîste hêrişê kurdan kerdêne. Dima ke Darbeya 12ê Êlule ra dima bi hawayêkê tamî ronîya PKKyî bi xoverdayîşêkê pîlî planê hêrişanê xorinan vistî binî. Mabênê dewleta tirke û kurdan de şero tewr pîl 1993-1998 de qewimîya. Dewleta tirke pê pêro hêzanê xo bi hawayêkê exlaqî o çax hêrişê gerîlayan kerdêne. Nê hêrişan de NATOyî paştî dayêne dewleta tirke, çekê xo dayêne ci.

Seba ke PKK vera modernîteya kapîtalîste bi NATOyî PKKyî rê dişmenîye kerdêne. PKKyî û Rayber Apoyî tim red kerd ke PKK bibo hêzêkê kolonyalîst-qirker-emperyalîstî yan zî bibo sey PDKyî. Mabênê 1993-1998î de hêzanê mîyanneteweyîyan tim ajanê xo şawitêne ke bizanê hele Rayber Apo çi fikirîyeno, dûştê înan de yo yan nê. Înan naye ra dima plan kerd ke Rayber Apoyî bitepişê û gerîlayan tasfîye bikerê. Înan vatêne qey eke Rayber Apo çin bo gerîlayî do bin bikewê. Îtîfaqê Amerîka, Îngilîstan û Îsraîlî planê hêrişî kerd.

Bi hêrişê Komployê 9ê Teşrîna Verêne ya 1998î hedef Rayber Apo bi. Îna plan kerd ke 9ê teşrîna verêne de nê hêrişî cade serbivisnê. 17ê êlula 1998î de Amerîka PDK û YNKyî de peymanêke viraşte û kerd ke PKK Başûrî ra bêro teberkerdene. Dima Rayber Apo bi zorî Sûrîye ra ame vetene. Rayber Apo naye ra dima 'dewatê înan ser o' Şamî ra pê teyara şi Atina. Rixmê 'dawetî' zî îstîxbaratê yunanan meydanê teyarayan de Rayber Apo tehdît kerd û waşt ke o şoro Sûrîye. Amerîka plan kerd ke Dengizê Sipî de bidê teyaraya Rayber Apoyî ro. Hînî Amerîka ganî na raştîye zî eşkera bikera.

La Rayber Apoyî nêwaşt ke abigêro Sûrîye coka pê a teyaraya taybete şi Rûsya. Rûsya multecîtîya Rayber Apoyî zî qebul kerde la Amerîka, Îsraîl û Îngilîstanî tedaya Rûsya kerd. Bi nê hawayî Rayber Apo Rûsya ra zî ame vetene û şi Roma. Rayber Apoyî tîya bi 8 madeyan çareserîya meseleya kurdan afernaye la Almanya û Fransa berê xo qefilnayî. Reyna tedayanê Amerîka û Tirkîya ra dima Rayber Apo derbazê Rûsya bi. Dima CIAya Amerîka Rayberîye girewte binê kontrolî. CIA çend reyî kerd ke Rayber Apo îmha bikera la nêeşkaye. Naye ser o Rayber Apo Kenya de Sersefîrîya Yunanîstanî de mend. Înan soz dabi ke Kenya de heqê mendişî bidê Rayber Apoyî. Coka Rayber Apoyî no qebul kerd. La înan waştêne ke Rayber Apoyî uca de îmha bikerê. Dima Rayber Apo 15ê sibata 1999î de bi vateyê 'Şima Kenya ra yeno berdene bi Hollanda' teslîmê Tirkîya ame kerdene. Yanî seba ke Komployê 9ê Teşrîna Verêne nêeşka armancê xo yê îmha bîyaro ca Komployê 15ê Sibate ame kerdene.

Sîstemê modernîteya kapîtalîste seba ke fam kerd ke heta ke Rayber Apo est bo ê nêeşkenê PKK û gerîlayan tasfîye bikerê û kurdan qir bikerê vera Rayber Apoyî Komployo Mîyanneteweyî plan kerd. Seba ke meseleya kurdan û qirkerdişê kurdan dewam bikerê Rayber Apo ame hedefkerdene. O çax Amerîka, Îsraîl û Îngilîstanî pîya komplo kerd û înan Rûsya, NATO û Yunanîstan zî şuxilnayî. Têna Îdareyê Afrîkaya Başûrî berê xo Rayber Apoyî rê akerdî. Înan qebul kerd ke heqê îltîca do bidê Rayber Apoyî. Rayber Apoyî zî waşt ke şoro uca. Îşte Komployê 15ê Sibate nê rayîr û çaxan ra derbaz kerd û qewimîya.''