Fermandarê Qerargehê Merkezê Pawitişê Şarî (MPŞ) Murat Karayilanî veng kerd gerîlayanê Zap, Avaşîn  Metîna.  Karayilanî vist vîrî ke têkoşînê bimbarekî yê vera hêrişê dişmenî 160 rojî xo dima verdayî û vat tarîx têkoşînê Apoyîyî de pelêko newe ame kerdene.

Murat Karayilanî vat: ‘’Dewleta tirke ya îşxalker wazena têgrayîşê azadîye tesfîye bikero û qezencanê şarê kurdî destê ci ra bigêro.  Merheleya verên a nê planê hêrişî eşkera ya la merheleya diyîne nimite ya, ya zî nîmcet nimete ya.  Hedefo verên Efrînî ra heta Xakurkê nê warî sey tamponî bigêrê binê kontrole xo. Bêşik wina qeyde Şorişê Rojawanî û warê stratejîkî yê Başûrê Kurdîstanî gerîyayêne binê kontrolî. Hedefe înan o verên no yo.  Heme Herême Pawitişî yê Medya, Qendîl zî tede, hedefê înan de yê. PDK zî mîyanê nê planî de yo. Reyna tay hêzê mîyanneteweyîyî zî mîyanê nê planî de yê.

Merhelya dîyine zî îşxalê sînoranê Misak-ı Milli yê. Dewleta tirke nê eşkera nê vana la mîyanê xo de nê palnî muneqeşe kenê. Pê nê rayîrî kenê ke Iraq û Sûrîye ser o tesîr bikerê. Na çarçewe de 2018 de hêrişê Efrînî kerd. Cade dima rahêrişê herêma Xakurkê kerd. Waşt ke wird leweyan bibeste pê. Seke yeno zanayene dima ra hêrişê Serêkanîye û Girê Sipî kerd û Heftanîn hedef girewt.  Semedê nê zî cayê tewr stratejîkî yê Zap û Garê yê ke merkezê  Herêmanê Pawitişî yê Medya wazenê îşxal bikerê. 2021 de nişka vera Garê hêriş ame destpêkerdene. Waşt ke wina merheleya verêne bikerê temam. La her kes zano ke nê planê dişmenî ser nêkewtî.

Dişmen seba ke vera hêzanê ma ser nêkewt dest pê çekan û gazanê kîmyewîyan kerd. La reyna  zî ser nêkewt. Tewr peynî de menga tebaxe ra nata bombayêka newî yena şuxulayene. Ça ra na bomba viste dest bewlî nîyo. Na bomba verî  vera Girê Sorî û dimra Werxelê de ameye şuxulnayene û gerîlayî şehîd bîyî. Ma semedê na bomba cigêrayîş kerd  û musayî ke bombaya taktik nukleerî ya. Radyason her cayî ra vila nêbeno la tesîrê ci gird o. Yeno zanayene ke nê bombayî dîyayê welatanê ke endameyê NATOyî yê û mîyanê nînan de Tirkîya zî est a. Tirkîya inkey înan vera ma şuxulnena. Zelal nîyo ke no pê destûrê NATOyî yeno kerde ya nê. La ma zanê ke heta ke destûrê NATOyî çînêbo şuxulnayîşê nê bombayan zehmet o.

Dewleta tirke seba ke vera gerîlayan de binkewte Vakur, Başûr û Rojawan de falîyetê îsîxbaratî zêdînayî. Inkey kenê ke Başûr de wa her kes sey ajanî têbigêro. Yew partîya sîyasîye senî hetêkî ra ajanîye kena û hetê bînî ra vana ‘ez krud a’. Çi heyf ke inkey wina yew rewşe est a. Hem partîya sîyasî ya hem zî ajana dişmenî ya.  Ganî heme leteyanê Kurdîstanî de vera ajanîye tewirê neteweyîyî bêro mojnayene û têkoşîn bêro kerdene.

Dişmenî dewre peyênî de derbeyê girdî werdî. Bîlançoya panc aşmanê peyênan de zî yeno vînayene ke rewşa dewleta tirke senî xirab a.  Eynî wextî de des helîkopterî dîyayî war û her hewte helîkopterêk yeno derbkerdene.  Îmrali de sîstemê îşkenceyî çend şino xirabêr bena.  Dişmen tîya şerî keno xorî. Vera nê hem Îmrali de, hem koyan de şerê îradeyî yeno rayraberdene.  No şerê îradebîyayîşê şarê kurdî yo. Şarê ma na çarçewe de qehremanîye keo.’’