Nobeta Azadîye  ya ke semedê azadîya fîzîkîye ya Rayberê Şarê Kurdî Abdullah Ocalanî  25ê hezîrana 2012yî de bajarê Strasbourgî yê Fransa de dîyaye destpêkerdene hewteyê 539. de dewam kena. 

Nobete no hewte hetê koma Belçîka ra ameye dewrgirewtene.

Nameyê kome ser o Hemserekê Merkezê Komelê Demokratîkî yê Belçîka Torî Rojhat qisey kerd û vat: ''24 serrî yo Girawa Îmraliyî de Rayberê ma, binê îşkence û tecrîdî de yeno rehînkerdene. Ma nameyê kurdîstanijanê Belçîka ser o seba azadîya Rayberê xo ameyî Strasbourgî.''

Rojhatî vist vîrî ke Nobeta Azadîye tewr tay 10 serrî yo dewam kena û vat: ''Ma sey kurdan wextêkê tarîxî û giranî ra derbaz kenê. Ma zî waşt ke mîyanê nê têkoşînî de cabigêrê.''