Berê Sînorî yê Sêmalka de semedo ke PDK cenazayanê şehîdanê ke Xelîfan de dafika PDKyî de şehîd bîyî bido verê Berê Sînorî yê Sêmalka de çalakîya nobete ya Mayanê Haştîye  dewam kena. Mayanê Haştîye derheqê armanc û waştişanê çalakîye de ANFyî rê qisey kerd.

Dayîke Xerma Elîya ke qezaya Tirbêsipîyê ra ya pare kerd ke 2 mengî yo ê cenazayanê xo wazenê û vat: ''PDKyo ke cenazayanê ma nêdano îxanetê xo îsbat keno. Tarîxî ra heta ewroyî PDK kurdan rê îxanet keno. Ez venga pêro kurdan dana ke seba teslîmkerdişê cenazayan wurzê payan ser û tedaya PDKyî bikerê. Tek waştişê ma caardişê yewîya neteweyîye yo.''

Dayîke Umeye El Hebîba ke erebanê Tirbêsipîyê ra ya vat: ''Seba ke PDK cenazayanê ma bido ez sey cinîya erebe tewra çalakîye bena. Teslîmnêkerdişê cenazayanê gerîlayan îxanetêko pîl o.''

Dayîke Cazîye Hewran vat: ''2 mengî yo ma cenazayanê xo wazenê. PDK vera şarê kurdî tim mîyanê îxanetî de bi. No îxanet ne oyo yewin o ne zî oyo diyîn o.Birayê mi 1990 de 24 embazanê xo reyde pê destê PDKyî amebi şehîdkerdene. O çax zî înan cenaza nêdaya ma. PDKyî wextê hêrişanê DAÎŞî de zî Şingal teslîmê cergan kerd, êzidîyî xapînayî. Ez venga PDKyî dana ke wa hînî gonîya kurdan merijno, îxanet mekero wa cenazayanê ma bido.''