Fermandarîya Akademîya Huseyîn Demîrcîogluyî ya MLKPyî fermandaranê HPGyî ra Rêzan Amed (Umît Tarhan) bi eşkerayîyêke yad kerd ke 18ê gulana 2022yî de Herêmanê Pawitişî yê Medya de hêrişê dewleta tirke de şehîd bibi.

Eşkerayîye de ame parekerdene ke Rêzan Amedî kedêka pîle daya partîya xo, azadîya Kobanê û HBDHyî. Eşkerayîye de dîya zanayene ke seba Rêzan Amedî azadîya şarî tim esas bîye û vat: ''Heta hela peyêne zî perwerê Rayberîye, partî û şarê xo bi. Rêzan Amedî wezîfe û erkê xo ardî ca. O fermandarêko winasên bi ke PKKyî o sey 'Milîtanê Apogîrî' pênase kerd. O pratîk de zî serkêşêk bi. Ma Rêzan Amedî bi rûmetî yad kenê. Ma do dişmenî ra hesabê ey bipersê. O do bibo rûmet û hêzê ma yê şerkerdişî.''