Fermandarîya Qerargehê Merkezê Pawitişê Şarî (MPŞ) bi wesîleya serrgêra 24. ya Komployê 15ê Sibate eşkerayîya nuştekîye daye û nê vatî:

''Rayber Apoyo ke şarêko bertengê çînbîyayîşî de bi, wela ci ra aferna û şarê ma rê rayîrê azadîye akerd, şexsê ey de vera kurdan Komployê Mîyanneteweyî yê 15 Sibate ame kerdene. Ma serrgêra 24. ya komployî de heme komplogeran bi hêrsê girdî şermezar kenê.  Ma şexsê şehîdanê 'Şima Nêeşkenê Tîja ma Tarî Bikerî' yê ke vera komplogeran bedenê xo kerd sîper  û dormeyê Rayberîye de adirî ra dêsêk viraşt û mojna heme dinya ke qet çew nêeşkeno îradeyê azadî yê kurdan  çîn bikero, ma heme şehîdanê xo bihurmet yad kenê.

Têkoşînê m ayo ke serkêşîya Rayber Apoyî de Kurdîstan de vejîyayîşo tarîxî kerd, pele bi pele vila bi, sere de şarê kurdî, bi hêvîya azadîye ya heme bindestan, cinîyan û ciwanan. Şarê kurdî yo ke ziwan, kultur, tarîx, nasname û  heqê ci yê tewr bingeyênî  çîn hesibîyayêne, bi keda bêhempa ya Rayberîye ma şorişê ganîbîyayîşî kerd û kewt rayîrê azadbîyayîşî. Hêzê modernîteya kapîtalîste wazenê verê şarê kurdî bîgerê ke serkêşîya Rayber Apoyî de ver bi azadîye raya şino. Coka şexsê Rayberîye ma de vera şarê kurdî komployo tewr xirab ê tarîxî kerd. Pê nê komployî ame waştene ke têgêrayîş û şarê kurdî bê Rayberîye bimanê ke xeta Apoyî ra vejîyê û bêrê tesfîyekerdene. La têkoşînê Rayber Apo, şarê ma û şehîdanê ma yê fedayîyan komplo betal kerd. Rayber Apoyî ke sîstemê îşkenceyî yê Îmrali de binê tecrîdê giranî de yo, ewro fîkrê ey heme dinya ra vila bîyî, bîyî unîversal.

Gerîlayê Azadîye yê Kurdîstanî hêzê nê têkoşînê tarîxî yê Rayber Apoyî ra genê û bi ruhê fedayîyî xeta Apoyî de têkoşîn kenê. Gerîlayê Azadîye yê Kurdîstanî ke bi nê ruhî tekoşîn kenê, serrgêra 24. ya komployî de vera hêrişanê  dişmenî ke sey dewamê komployî yenê kerdene, bi ruhê fedayîyî yê Sara Tolhilan Goyî û Rûkene Zelalan xopawitişê xo yo meşrû kerd. Gerîlayan her vinceyê herra Kurdîstanî bi hewayêkê fedayîyî pawit û bi têkoşînê xo yê tarîxî gerîlatîya modernîteya demokratîke aver berde. Gerîlayê ke fedayîyê Rayber Apoyî yê, vera her hêrişê vera Rayberîye û şarê ma, cewab da û hesabê îşxalkeran reyna pûç kerdî. Gerîlayê Azadîye yê Kurdîstanî bi têkoşînê xo tim hêzê xo  mojnenê dost û dişmenî.  Her şervan û fermandarê Gerîlayê Azadîye yê Kurdîstanî yê ke zerrîya safî ra pabesteyê xeta zixme ya Apoyî yê, do têkoşînê şehîdanê ma yê fedayîyan ê ke dormeyê Rayberîye de bîyî çebero adirin,  esas bîgêrê û Komployê Mîyanntewteweyî parçe bikerî û bin bifînê.''