Fermandarîya Qerargehê Merkezê Pawitişê Şarî veng da PDKyî ke wa semedê dewleta tirke ya îşxalkere rayîr mevirazo.

Eşkerayîya MPŞyî wina ya:

''Seke yeno zanayene 14ê nîsana 2022yî de dewleta tirke vera herêmanê Zap, Avaşîn û Metîna yê Başûrê Kurdîstanî hêrişê îşxalî da destpêkerdene. A roje ra nata hêzê ma vera îşxalê Başûrê Kurdîstanî têkoşînê tarîxkîyî danê. Hesabê dewleta tirke o bi ke nê waran demê kilmî de îşxal bikero. La rixmo ke dewleta tirke her hetî ra paştî gena û çekanê qedexeyan şuxulnena zî çar aşmî yo nêeşkayî ser bikewo. Dewleta tirke tengayî de ya. Mabênê ma  û dewleta tirke şerêko giran yeno domnayene. Şer nuqtayêka krîtîke de yo.

25ê gulane ra nata no pêkewtiş xetanê Girê Hakarî û Girê Amedîyê de bîyo giran.  No mabên de ma qetî qerardarê ke dewleta tirke bin bifînê. Dewleta tirke do meeşko nê cayan bîgêro. A do mecbûr bimano ke peyser agêro. Eke amegêro do tîya çîn bibo. Wa şarê ma rayapêroyîye hole bizano ke ma nê şerî sey taktîkkî nêgêne dest.  Sere Başûrê Kurdîstanî ma semedê heme Kurdîstanî nê şerî muhîm vînenê û sey şerêkê startejîkî genê dest. No şer semedê qezencanê neteweyîyan yê şarê kurdî û ameyoxê ci yê azadî zaf muhîm o. No têkoşînêko neteweyî û demokratîk o. Semedê nê senî ke ma heta ewro kerdo ma do ewro ra tepîya zî bi fedakarîya pîle çîyo ke hewce keno do bikerê.

Wexo winayêno ke xeta mabênê Girê Hakarî, Girê Amedîyê û Sêgirê de şer bîyo giran, 27ê tebaxe de tam nuqtaya mabênê na xete de ver bi waranê ma yê xoverdayîşî hêzanê PDKyî bi hêzanê asayîşî dest pê viraştişê rayîrî kerd.  Dewleta tirke Şikefta Birîndara û Werxelê de kewta tengayî. Pê nê rayîrî yeno waştene ke dewleta tirke tengayî ra vejîyo. Viraştişê nê rayîrî eşkera paştîdayîşê dewleta tirke yo. PDK pê nê rayîrî dewleta tirke tengayî ra vejeno û verê îşxalê ci akeno.

Ma veng danê îdareyê PDKyî ke no rayîro ke semedê xizmetê dişmenê kurdan yeno viraştene û wa mevirazo. No rayîr têna semedê dewleta tirke yeno viraştene.  Ganî hêzê kudîstanî vera nê vejîye û destûr medê PDK nê rayîrî virazo.  PDK pê viraştişê nê rayîrî eşkera kewno tewrê şerî. Demê winayênî  de pêkewtişê mabênê kurdan zirar danê qezancanê neteweyîyan ê kurdan. Ganî şarê kurdî, rayrapêroyîya demokratîke û dezgeh û şexsîyetê welatperwerî şirê PDKyî ser ke wa nê rayîrî mevirazo.''