Başûrê Kurdîstanî de cayo ke tede leşkerê tirkan hetê gerîlayan ra amebî kiştene de beyraqa Herêma Başûrê Kurdîstanî ameye daliqnayene û binê ci de semedê leşkeranê tirkan ê îşxalkeran baregeh yeno viraştene.
PDK herêma Amedîye de semedê artêşa tirke ya îşxalker baregeho leşkeri virazeno. Dîmnê nê baregehî resayî ANFyî.
Warê Komandoyo ke Qilê Amedîye de yo û gerîlayî nika tede aktîf şer kenê de baregeh yeno viraştene. Dîmenan de yeno vînayene ke binê virisnîyê beyraqa Herêma Başûrê Kurdîstanî de baregeho leşkerî yeno viraştene. Rojnameger Kurtay Serhato ke dîmeno anceno, vano: ‘’Artêşa tirke şewa 4ê temmuze tîya leşkeri ca kerdî û roja bîne gerîlayan tîya çalakîye kerde û leşkerêk ame kiştene. Roja bîne beyraqe ameye daliqnayene û viraştişê baregehî dest pêkerd. PDK bi aşman o nuqtayê ke dewleta tirke îşxal kerdî de baregehanê leşkerîyan virazeno û paştî dano îşxalkeran.’’
Endamê Komîteya Rayberdişî ya PKKyî Murat Karayilanî ke 22ê êlule de ANFyî rê qisey kerd, vat paştdayîşê PDKyî yê artêşa tirke semedê Başûrê Kurdîstanî rayîrê çareserî geno.
