Gerîlayê azadîye menga nîsane ra nata bedenê xo sey tirsî vera hêrişanê îşxalî sîper kenê, her roje derbanê giranan danê dişmenî ro. Serra 2021î ra heta 2022yî xoverdayîşê gerîlayan morê xo da binê pêro dinya.

Dewleta tirke vera gerîlayan her rayîr û metodî şuxilnayî la reyna zî ser nêkewte. Verî waşt ke bi leşkeranê xo dest nana waranê gerîlayan ser, tunelanê şerî de gerîlayan teslîm bigêra. Wexto ke cenazayê leşkeran kewtî destê gerîlayan hînî dewlete nê metodî vurnayî. Leşkerî neçare mendî ke xo verê tunelan ra apey bigêrê. Wextê peyênî de serê sereyê şikefteyan xortum û teqaberan bi şerîtan verdenê verê berê tunelanê şerî û wina teqaberan teqnenê. Hêzê gerîlayî metodo ke îşxalê Tirkîya nika serê beranê tunelanê şerî yê gerîlayan de ano ca zî bi dîmenan vila kerd. Dewlete wazena bi kepçeyan zî şikefteyanê gerîlayan birijna.

Dewleta tirke her roje bi desan reyî çekê kîmyewî yê sey fosfor, klor, termobarîk û ê bînî şuxilnena. Nê madeyî zî bi giranî tesîrê ê cayî kenê, hem xoza hem zî merdiman tehdît kenê. Wextê peyênî de dewleta tirke tewr zaf çekanê kîmyewîyan tercîh kena. Dewleta tirke hêrişanê xo yê bi destekê NATOyî de ser nêkewte. Çalakîyanê gerîlayan dişmen teng kerd û felç kerd. Nika zî îşxalê Tirkîya her çiqas raştîyan nimneno zî dîmenan de aseno ke gerîlayê HPG û YJA-Starî nê zûran pûç kenê.

Medyaya şerê taybetî ya dewleta tirke ya îşxalkere her roje zûran kena la Merkezê Îrtîbatî û Çapemenîye yê HPGyî raştîyan vano, bi belgeyan zûranê dewlete eşkera keno. Dewletê sey Amerîka û Rûsya paştî danê hêrişanê kîmyewîyan ê dişmenî. Zelal o ke hêzê NATOyî senî paştîya dewleta tirke de yê. Bêvengîya înan dîyar kena ke senî Erdoganî rê ardim kenê.

Gerîlayî bi îmkananê kêman, binê şertanê zehmetan de vera her tewirê çekan şer kenê û xo ver danê. Hêzê gerîlayî destpêkî ra nata bi taktîkanê zengînan şerî aver benê. Ma eşkenê vajê ke gerîlayan qederê nê şerî eşkera kerd. Her çiqas dewleta tirke xîret kerd ke hetê nê şerî goreyê xo bikera zî milîtanê Rayber Apoyî bi hêz û bawerîya xo nê şerî îdare kenê. Şer şerê gerîlayan o, serkewtiş serkewtişê gerîlayan o.

Şuxilnayîşê kîmyewî yeno manaya binbîyayîşî. Hêzê gerîlayî heta nika bi îrade û bawerîya xo destkewteyanê visnenê destî.

Hêzêk pê îrade û bawerîya xo, hêzêk zî pê teknîk û madeyê kîmyewîyî şer keno. Gerîlayan zî Xakurkê ra heta bi Zap, Avaşîn û Metîna bi çalakîyanê xo îşxalkerî lerznayî. Vera hêrişanê kîmyewîyan ê serê gerîlayan bêvengîyêka pîle est a. La gerîlayî qesasê embazanê xo yê ke hêrişanê kîmyewîyan de şehîd bîyê gênê. Gerîlayî her roje ruhê xoverdayîşî berzêr kenê. No ruh têna koyan de nê şaristanan de zî çalakîyanê fedayîyan bi ruhê Zîlanan keno. Şexsê gerîlayanê YJA-Starî  Şehîde Rûkene û Şehîde Sara de dewam keno.

Reyna şehîdê Hemleya Bazanê Zagrosî û Cengê Xabûrî zî dewrêkê neweyî de benê sembolê nê şerê tarîxîyî, seba ke ê bi ruhê xo feda kenê, vera hêrişan bênakokî şer kenê. Ê wayîrê raştîya cuye yê û heta peynî sloganê 'Biciwîyo Rayber Apo, bimiro îşxalker, biciwîyo xoverdayîşê gerîlayanê dewrî' qîrennê û nê ruhî rê derbanê giranan danê.''