Fermandarîya Yewinanê Xoverdayîşê Şingalî (YBŞ) da zanayene ke hêrişê hewayî yê dewleta tirke de 21 nûqtayî ameyî pirodayene û vînîbîyayeyê înan çîn ê.

Eşkerayîye de nê ameyî parekerdene: ''Dewleta tirke ya îşxlakere bi nê hêrişan cehd kena ke şarê ma bitersno. Dewleta tirke ya îşxalkera ke polîtîkaya macîre rayra bena kampan de şarê ma hedef gena. Şarê ma her roje kampanê ra agêrenê herra xo. Dewleta şerê pîsîkolojîkî rayra bena û  seba ke verê agêrayîşê şarî bîgêro hêriş kena.  Nê hêrişî pabesteyê hêrişanê çeteyanê DAÎŞî yê 3ê tebexa 2014î yê. Dişmen se keno wa bikero do meeşko debikewo mewzîyanê ma. Wa paşta şarê ma ci ra pêt bo. Wa şar û dostê ma hêzê xo bikerê û yew ke sey hêrişanê verênan ewro ra tepîya zî hêrişî bêrê pûç vetene.

Medyaya PDKyî propagandaya îşxalê dewleta tirke kena. Hêrişê hêriş û îşxalê dewleta tirke sey meşrûyî ramojnenê. Semedê kurdêkî/e no ne şeref ne zî anor o. Wa nê ziwanê ke şuxulnenê caverdî.

Mewzî û çeperanê ma reyna ramojna ke ma pêyê şarê xo de yê û destûr nêdanê dişmen û îşxalkerî debikewê herra Şingalî. Nê hêrişan de vînîyayeyê ma çîn ê. Hêrişê dewleta tirke de warê sîvîlan zî ameyî pirodayene.  Hêrişan de hîrê sîvîlan dinyaya xo bedilnaye û kesêk zî birîndar bi. Semedê safîkerdişê nasnameyê şehîdan cigêrayîşê ma dewam kenê.''