Fermandarîya YRKyî bi eşkerayîyêke pare kerd ke hêrişê hewayî yê dewleta tirke ya îşxalkere vera herêmanê Pênciwin û Çarta 3ê teşrîna verêne ra nata dewam kenê. YRKyî vat ke hêrişan de zerar nêresayo hêzanê înan la bax û baxçeyanê herême zerar dîyo.
Fermandarîya YRKyî derheqê hêrişanê hewayî yê dewleta tirke ya îşxalkere de eşkerayîyêke daye.
Eşkerayîye wina ya:
''Hêrişê îşxalî yê dewleta tirke yê vera Pênciwîn û Çarta 3ê teşrîna verêne ra nata dewam kenê. Nê prosesî de hêrişanê Tirkîya reyde hêrişê vera Merîwan, Bane û Serdeştî zî dewam kenê. Wexto ke teyarayê şerî yê dewleta tirke ya îşxalkere herême ser o gêrenê, heta serê sînoranê Îranî şinê, agêrenê û bi nê hawayî Pênciwîn û Çarta danê bombayan ver.
6-7ê teşrîna verêne de bêmabên teyarayê kefî herême ser o gêrayî. 6ê teşrîna verêne de teyaraya keşfî û 7ê teşrîna verêne de teyarayanê şerî dewa Badane daye bombayan ver. Nê bombardumanan de zerarêk nêresa hêzanê ma ser la zerarêko pîl resa bax û baxçeyanê şarê herême. Têgêrayîşê dişmenî hema zî dewam kenê. Ma do dima agahîyanê hîrayan bidê şarê xo û rayaumûmîye.''
