Fermandarîya Yewinanê Rojhelatê Kurdîstanî (YRK) derheqê hêrişanê herêmanê Pênciwîn, Şarbajar û Çarta yê Başûrê Kurdîstanî de eşkerayîyêke daye.

Eşkerayîya YRKyî wina ya:

''3ê teşrîna verêne ra heta 6ê teşrîna verêne Pêncewîn, Çarta û Asosî ser o teyarayê keşfî gêrayî. 4ê teşrîna verêne de dewa Şêx Elmaranî ya Çarta de wesayîtêko sivîl dîya bombayan ver. Nêzanîyeno ke nê hêriş de zerar resayo çew yan nê. Heman roje mabênê 18.00-19.00 de Çarta hetê teyarayanê şerî ra dîyaye bombayan ver. Nê cayan de qet yew hêzê ma çin o. La bombarduman de zerarêko madî resa şarê ma ser. Tay medyayê Başûrî seba ke hêrişanê îşxalî yê dewleta tirke yê vera Başûrî meşrû bikerê, PKK û hêzanê ma kenê hedef. Na rewşe ajanîya înan a seba dewleta tirke eşkera kena. Ma venga nê medyayan danê ke raştîyan vajê. Nê waranê hêrişan de ne hêzê ma ne zî PKK est o.''