Koyanê Kurdîstanî de 14ê nîsane ra nata şerêko giran qewimîyeno. Zagrosan de bi seserran o şer est o la no şer ê bînan ra cîya yo.,

Nê koyî warê têkoşînê şarê Kurdîstanî yê. Şarê kurdî tim qehremanîya nê koyan bi rayîrê kilamanê dengbêjan kirişte. Dimanî pê nê kilaman bîyî pîl.

Nê koyan de qehremanîyî vajîyenê. Koyî destanî nusenê, koyanê Kurdîstanî de awazêk berz beno. Nêzdîyê panc serrî yo vengê afeernayoxanê destanî berz beno. Zagrosan ra vengêk yeno nika. Vengêko ke qetî nêno vîrakerdene. Tunelanê şerî ra vengê rûmetê tarîxî yeno vejîyeno teber.

Koyanê Kurdîstanî ra, Zagrosan ra, Girê Şehîd Şahînî ra, Girê Şehîd Berxwedanî ra, tunelanê şerî ra vengê Fermandar Bagerî yeno. O vano 'Vengê mi weş nîyo, qusurê mi rê meewnê. Gazo kîmyewî yo ke şuxilîyayo, tesîrê qirîkê mi keno.'

No qehremanê şarê Kurdîstanî seba azadîya şarê xo şer keno, vera metodanê barbaran ê artêşa tirke tunelanê şerî de bi moralêkê berzî kilaman vano. Bi vengê xo zerrîyan vêşneno. Embazê ey zî bi heman zerrîvêşayîyî goş nanê ey ser. Seke şarê kurdî tim vengê nê qehremanî goşdarî keno...