Gerîlaya HPGyî Zozane Tolana ke ame îdîakerdene ke çalakîya fedayîya Mersînî aye kerda, ajansê ma rê qisey kerd. Tolane pare kerd ke seba ke rejîmê faşîstî yê AKP-MHPyî ci rê îmkanê têkoşînêkê demokratîkî nêverda aye verê xo dayo koyan.
26ê êlule de vera bînaya polîsan a Mezîtlî ya Mersînî çalakîyêka fedayîye ameye kerdene. Rejîmê AKP-MHPyî îdîa kerd ke gerîlaya HPGyî Zozane Tolan na çalakîye kerda. Gerîlaya HPGyî Zozane Tolan ajansê ma rê qisey kerd.
Tolane verî çalakîya fedayîye selam kerde û vat: ''Ez verî çalakîya embazanê ma Şehîde Sara û Rûkene selam kena, şexsê înan de pêro şehîdanê ma bi rêzdarî yad kena. Ma sey gerîlayanê YJA-Starî û HPGyî do bibê teqîbkerdoxê nê ruhê çalakîya fedayîye.
Wexto ke rojnamegerîye kerdêne ez tepişîyaya. No raşt o. La kerdişanê rejîmê AKP-MHPyî hînî pêro îmkanê resnayîşê raştîyan û têkoşînê demokratîk-legalî qedînabî. Nê esasî ser o zaf ciwanê Kurdîstanî seba ke nê rejîmê faşîstî ra hesab bipersê vejîyenê koyan ser. Ez zî nînan ra yew a.
Partîya ma cara eşkerayîyêka raşte kerda. Ez ha wezîfeyê xo ser de ya. Sey ciwananê bînan ê Kurdîstanî erkê min o esas o ke ez rejîmê AKP-MHPyî ra hesab bipersa. Ez do layîqê ney biba.''
