Qezaya Şemzînanî ya Colemêrgî de startê Newoza 2023yî ame dayene ke emser bi şîarê. “Her der Newroz, her dem azadî” yena kerdene. Îdarekarê KCD, DBP, TJA û parlamenterê HDPyî zî tede xeylêk kesî verê rêxistina HDPyî ya qeza de ameyî têhet.  Hemwelatîyan bi kincanê herêmî xo memilna û verê xo da warê Newroze.

Parlamenterê HDPyî Saît Dedeyî ke tîya qisey kerd, ard ziwan ke emser roşanê ganîbîyayîşî Newroze binê versîya erdlerzî de yano pîrozkerdene û vat: ''Seba ke îqtîdarî erdlerz açarna felaketa girde, ma dejê pîlî antî. Newroze vera zordarîye xoverdayîş o. Ma sey tornanê Kawayî sereberz payra yê. Senî ke Kawa vera Dehaqan kewt ser ma zî do înan bin bifînê.

Hemserekê Pêroyî ya DBPyî Salîha Aydenîz zî vat: ''Na Newroze de tîlîlî, deyîre, coş û govende çîn a la goreyê ruhê Newroze serewedaritiş û xoverdayîş est o.  2013 serrgêra seyin a Lozanî ya. Pê Lozanî ame waştene ke kurdan ziwan, kultur û cografaya înan ra raqilnê û tesfîye  bikerê. Seserrî yo kurdî vera na polîtîka  têkoşîn kenê. Kurdî hinî nêwezanê , bêstatu, bêziwan biciwîyê. Kurdî wazenê xo bi xo îdare bikerê. îqtîdarê AKP-MHPyî rolê Dehaqê dewrî kay keno. No îqtîdar pê polîtkayanê şerî û tecrîdî xo weye keno. Qirkerdişê cinîyan ra xo weye keno. Erdlerz de şar binê rijnayîşan de dje antene, îqtîarî hêrişê Rojanwan û Başûr kerdêne, çekê kîmyewîyî şuxulnayene.  Gerek Birêz Abdullah Ocalan cade bibo azad ke meseleyê welatî bêrê çareserkerdene.''

Hemserekê KCDyî Berdan Ozturkî vat: ''Emser ma Newroze zerteng pîroz kenê. Sebebê nê dejê girdî erdlerz nîyo, dişmenîya îqtîdarî ya vera kurdan a.  Îqtîdar vera statuyê kurdan vejîyeno polîtîkayanê şerî dano domnayene. Nê şerî bi tecrîdê serê Abdullah Ocalanî dest pêkerd. Birêz Ocalan bi ruhê Kawayan xover dano, no xoverdayîş dewam keno. Gerek kurdî esasanê demokratîkan ser o yewîya xo ronê. Peynîya Dehaqan nêzdî ya.''

Badê qiseykerdişan adirê Newroze ame tavistene û sloganê “Bijî Serok Apo” û “Bê Serok jiyan nabe” bîyî berz.