Hemserekê  Partîya Demokartîke ya Şaran (HDP) yê Amedî Zeyyat Ceylanî derheqê muhîmîya Newroza 2023yî de ANFyî rê qisey kerd.

Ceylanî vat: ''Newroze semedê kurdan tim despêkerdişê prosesanê muhîman û bimanayan a. Newroze her serre takvîmê polîtîkî bewlî kena. Kurdî mîyanê serre de çi anto û do biancê kirişenê na roje. Şar û sîyasetê kurdan çîyo ke wazenê bikerî, Newroze rê bar kenê. Emser ma bi dejê erdlerzî kewnê Newroze. Coka Newroze semedê ma senî sîmgeyê xoverdayîş û ganîbîyayîşî ya, emser zî do bêro manaya yadkerdişî. Hêzê serdestî kenê ke prosesê erdlerzî bidê vîrakerdene. Hema birînî teze yê, coka erdlerz gerek nêro vîrakerdene. Newoze dînamîkanê tewr holan ê nê ra yew a.

Prosesê  vîjnayîşê emserî semedê sîyasetê demokratîkî û rêxistinanê komelê sîvîlî zaf çî îfade keno. Proseso muhîm o ke îqtîdarê AKP-MHPyî yo ke wextê ci bîyo de, bêro şawitene. Seba ke no proses hol bêro erjnayene Newroze zaf muhîm a. Na Newroze de semedê ma hîrê çîyê muhîmî est ê. Ganîbîyayîş û têkoşîn bêrê aktuelkerdne, kesê ke erdlerz de merdî bêrê yadkerdene û depêkerdişê prosesê vîjnayîşî ke do bi serkewtişî tacîdar bibo.''