Delegasyonê Vera Tecrîdî yê Mîyanneteweyî yo ke 7 welatan ra 36 huqûqnas, rojnameger û akademîsyenî tede ca genê, tarîxanê 24-19ê çeleyî de  Amed, Îstanbul û  Anqara de derheqê tecrîdê serê Rayberê Şarê Kurdî Abdullah Ocalanî û tepişteyanê bînan Îmraliyî de hîrê rojî pêvînayîş kerdbi. Delegasyonî  raporê xo yê derheqê pêvînayîşan de bi komîbîyayîşê online eşkera kerd.

Rapor hetê Avûkate Avukat Altamira Ana Guelbenzu Gonzalo û Avûkate Sophie Jane Caseley ra ame eşkerakerdene. Rapor de ame vatene ke tecrîdê serê Abdullah Ocalanî eşkera heqanê merdiman ê mîyanneteweyî binpay keno. Raporî  ra tay cayî wina yê:

''Abdullah Ocalan û hîrê embazê ci yê bînî Omer Hayrî Konar, Hamîlî Yildirim , Veysî Aktaş Îmrali de binê tecrîdê giranî de yê. 2 serrî yo înan ra qet xeberêke nîna girewtene. Çar mehkuman rê pêvînayîş û reshnayîşo her qeyde keyeyî û avûkatan ameyo qedexekerdene. No hepsê hucre heqanê merdiman ê mîyanneteweyî binpay keno. Tirkîya Qerarê Mehkemeya Heqanê Merdiman a Ewropa yê derehqê qedexeyê îşkenceyî zî nêvînayîşî ra yena.

Rejîmê înfazî yo ke Tirkîya de reya verêne Îmrali de ame caardene çend şino zînanê bînan ra vila beno. Rejîmê înfazî yê vera tepişteyanê sîyasîyan gerek cade bêro wedaritene. Tecrîdê Îmraliyî tesîrê heme  tepişteyan û muxalefetî keno. Heta ke meseleya kurdan çareser mebo, meseleyê bînî Tirkîya çareser nêbenê û heta ke tecrîd nêro wedaritene meseleya kurdan çareser nêbena. Semedê çareserkerdişê mesela kurdan û demokratîkbîyayîşê Tirkîya gerek Abdullah Ocalan bibo azad. 

Gerek heme hêzê muxalîfî, pawitoxê huqûq û heqanê merdiman verî sîstemê Îmraliyî orte ra wedarê. Komelê rayapêroyîye, baro û komeleyê bînî yê avûkatan gerek vera rewşa xirabe ya Tirkîya têbigêrê. Gerek heme hêzê averberdoxî yê dinya înîsîyatîf bigêrê û bi ruhê seferberîye têbigêrê. Wa CPT raporê xo yê peyênî yê Îmraliyî eşkera bikero bitaybetî derheqê tepişteyanê Îmraliyî de zanayîş bido.''