Merkezê Koordînasyonê Krîzî yê Partîya Demokratîke ya Şaran (HDP)  derheqê xebatanê xo yê edrlerzî de Amed de eşkerayîye daye û  pêhesanyene ke înan kampanyaya ''Ma keyeyan anê têhet'' daye destpêkerdene.  Bi nameyê Merkezê Koordînasyonê Krîzî hetkaranê hemserekan Ozleme Gunduz û Serhat Erenî kombîyayîş de eşkerayîye wende.

Eşkerayîye de nê ameyî avatene: ''Erdlerzê Mereşî ke tesîrê Hatay, Dîlok, Osmanîye, Meletî, Semsûr, Riha, Amed, Adana û Kilisî kerd 17 rojî xo dima verdayî. Xebatê hema dewam kenê.  Eke şaredarîyê ma nêameyêne xespkerdene, ma eşkayêne zafêr hetkarî bikerê. Ma do xebatanê xo bidê domnayene. Ma sey keye û hemwelatîyan ganî mexdûranê erdlerî reyde îmkananê xo pare bikerê.  Coka ma ewro kampanyaya 'Ma Keyeyan anê têhet' danê destpêkerdene. Ma bingeyê dostîye û paştîdayîşî de keyeyan anê têhet û pêro pîya vanê 'Ma mîyanê paştîdayîşî de yê.' Kam ke wazeno destê xo yê paştîdayîşî derg bikero, ma mabanê înan û mexdûranê erdlerzî de benê pirdê dostîye. Keyeyê ke wazenê hende çar aşman îdareyê yew keyeyî bikerê, ma înan û keyeyê ke hewcedarê hetkarîye yê, anê têhet.''

Hetê bînî ra Temsîlkarîya HDPyî ya Ewropa zî derheqê kampanyaya ''Ma keyeyan anê têhet'' de eşekerayîye daye. Eşkerayîye de ame vatene ke semedê paştîdayîşê kampanya  ê hazirîya xo kenê û kampanya do sey linga diyîne Ewropa de bêro rayaberdene. HDP Ewropa vat ê do rojanê verê ma de, derheqê kampanya de eşkerayîye bidê.