Hemserekê Pêroyî yê DBPyî Keskîn Bayindiro ke çarçeweya cipersayîşê vera partîya ci de, bi îdîaya ''endamîya rêxistene'' ameyêne muhakemekerdene, roniştişê verênî de ame veradayene.

Hemsereka Pêroyî ya DBPyî Salîha Aydeniz, Hemserekê Pêroyî yê KCDyî Bedran Ozturk, Parlamentera HDPyî Remzîye Tosun, hemserekê HDPyî yê Bajarî Gulîstane Atasoy û Zeyyat Ceylan, temsîlkarê rêxistinanê komelê sîvîlî û xeylêk kesî şîyî vera Bayindirî.

Kesîn Bayindir vejîyayîşê zîndanî de verî kesê ke ameyî vera ci selam kerdî û dima ra eşkerayîyêka kilme daye. Bayindirî vat: ''No paştdayîşê şima têna mi rê nê paştdayîşê partîya ma yo. Partîya ma tim vera zilmî têkoşînê demokrasî û azadîye û seypeyîye dana û do bido. Embazê ke zere de yê şima rê silmaî şawitî. Zîndan de semedê nefesgirwtişî zî gerek têkoşîn bêro dayene. Coka vengdayîşê embazanê ma yê tepişteyan wina yo; verê ma de vîjnayîşo muhîm est o, ma wayîrê nê prosesî bivejîyê. Ma paştî bidê Îtîfaqê Kede û Azadîye, pêro pîya bi xoverdayîşî ameyoxê şarê xo qezenc bikerê.''