Rayberê Şarê Kurdî Abdullah Ocalanî ra di serrî yo qet xeberêke nîna girewene. Merdimanê Abdullah Ocalanî û tepiştaynê bînan ê ke Îmrali de binê tecrîdê giranî de yê, semedê pêvînayîşî newe ra muracat kerd.

Birayê Rayberê Şarê Kurdî Abdullah Ocalanî, Meymet Ocalan, vasîyê ci Mazlûm Dînç û birayê Omer Hayri Konar, Alî Konar, birayê  Hamili Yildirimî, Polat Yildirim  û  waya Veysi Aktaşî,  Melîhe Çetîn semedê pêvînayîşê Îmraliyî muracatê Serdozgerîya Komare ya Bursa û Mudirîya Zîndanî ya Îmraliyî  kerd.

Di serrî yo ke Rayberê Şarê Kurdî Abullah Ocalanî ra xebere nîna girewtene. Avûkatî hewte de hey semedê pêvînayîşî muracat kenê la muracatê înan bi hewayêkê sîstematîkî bêcewab yenê verdayene. Ge ge bi aşman cuwa pê yeno eşnawitene ke cezaya dîsîplînî ameya dayene.

Komîteya Vergirewtişê Îşkenceyî (CPT) eşkerayîya xo ya 3ê teşrîna verêne de da zanayeneke înan mabênê darîxanê 20-29ê êlule de Îmrali zîyaret kerdo. Dima ra Buroyê Huqûqî yê Asrinî da zanayene ke CPT şîyo Îmrali la Abdullah Ocalan nêdîyo. Naye ser o qesawetî zêdîyayî.