Namzedê Serekkomarî yê Îtîfaqê Miletî û Rayberê CHPyî Kemal Kiliçdarogluyî  Hemsrekê Pêroyî yê HDPyî Pervîne Buldan û Mîthat Sancar zîyaret kerdî.

Zîyaretê Kiliçdarogluyî Gûba Meclîsê ya HDPyî de ame kerdene. Serekwekîlê Grûba CHPyî Ozgur Ozel û Sekretera Pêroyî ya CHDPyî Selîne Sayek Boke û Hetkarê Serekê Pêroyî yê CHPyî  Oguz Kaan zî tewrê zîyaretî bîyî.

Hemsrekê Pêroyî yê HDPyî Pervîne Buldan û Mîthat Sancar pîya bi Vervatoxa HDPyî Ebru Gunay û Serekwekîla Grûba HDPyî Saruhan Oluçî Kiliçdaroglu verwazî kerd.

Pêvînayîş nizdê saeteke kerd derg. Dimara Buldane, Sancar û Kiliçdaroglu ravîyartî meqamê meclîsî û hendê des deqayan pêvînayîşê diyînî kerd. Badê pêvînayîşî Sancar û Kiliçdarogluyî Çimeyê Grûba Meclîsî ya HDPyî kombîyayîşê çapemenîye kerde.

Kiliçdarogluyî ard ziwan ke meseleya kurdan zî tede adresê heme problamen meclîs o û vat ê do ziwanê her kesî rê hurmet  bikerê û nê welatî de pêrodayîşan biqedinê.

Pervîne Buldan zî ard ziwan ke komelê sere de meseleya kurdan paweno ke problemî bêrê çareserkerdene vat meseleya kurdan gerek binê serbanê parlamentoyî de bêro çareserkerdene.

Mîthat Sancarî zî ard ziwan ke înan xeylêk meseleyî girewtî dest û vat ê do nê pêvînayîşî hêzanê îtîfaqê xo reyde bierjnê  û demê kilmî de derheqê pêvînayîşî de eşkerayîyêka hîra bidê.