Bi wesîle roja çewresin a erdlerzî verê Baroyê Îstanbulî de aktîvîteya vîrardişî ameye kerdene. Qiseykerdoxan vat: ''Êyê ke ma ra helalîye wazenê, ma înan rê heqê xo helal nêkenê. Ma do xo vîr ra mekerê, ef mekerê û hesab bipersê.''
Bi wesîle roja çewresin a erdlerzê Mereşî yê 6ê sibate verê Baroyê Îstanbulî de aktîvîteya vîrardişî ameye organîzekerdene.
Aktîvîteya ke binê ablûqaya polîsan de ameye kerdene de bajarê ke binê tesîrê erdlerzî de mendî dovîzê înan ameyî rakerdene û serê înan de mumî ameyî tafînayene.
Aktîvîte de avûkatanê ke qisey kerd bale ante bêxemîya hukmatî ser û vat ê destûr medê ke qewimîyayîşê erdlerzî sey çîyêkî normanî bêrê mojnayene
Avûkatan ra Erren Canî ke Antakya de maye û pîyê xo vînî kerdî vat: '' Êyê ke ma ra helalîye wazenê , ma înan rê heqê xo helal nêkenê. Ma do xo vîra mekerê, ef mekerê û hesab bipersê.''
