Osmanîye de serê sibayî sereştişê polîsan de Hemsereka DEM Partî ya Osmanîye Sevgî Aydin, Faruk Kahraman û Îdarekarê DEM Partî Hakan Kahraman û di kesê bînî ameyî destbendkerdene.

Ame parekerdene ke panc kesî seba ke veyve de muzîkê kurdkî reyde govende girewte, wesayîtê veyveyî bi renganê kesk û sûr û zerî xemilnayê, ameyî destbendkerdene.

Destbendkerdeyî ameyî berdene bi Mudirîya Asayîşî ya Şaristanî.