Senatoyê Fransa seba ke Yewîyanê Pawitişê Şarî (YPG) û  Yewiyanê Pawitişî yê Cinîyan (YPJ) vera DAÎŞî têkoşîn kerd, xelate dîyarîya Vervatoxa YPJyî Rûksane Mihemed û Vervatoxê YPGyî Nûrî Mehmûdî kerd.

Şayîya Newroze de ya ke hetê Yewîya Merdimanê Karî yê Fransa ra ameye organzekerdene, Endamê Senatoyê Fransa Xaier Ecovîlle xelate daye Rûksane Mihemed û Nûrî Mehmûdî.

Heyetê Îdareyê Xoserî yo ke Fransa de pêvînayîşan keno û xeylêk senator û sîyasetmedarê Fransa tewrê merasîmî bîyî.

Merasîmê şayîşê Newoze de hêrişê vera Rojawanî gerîyayî dest û Fransa û hetanê mîyanneteweyî ra ame waştene ke wa paştî bidê Rojawanî.

Tewrbîyayoxan bale ante hêrişanê dewleta tirke yê vera herême û bedilnayîşê dmeokrafîkî ser û vat hêzê mîyanneteweyî berpirsîyar ê ke verê nê hêrişan bigêrê.

Merasîm de şorişê cinîyan ê Rojawanî yê vera DAÎŞî û rolê înan ê serhilandanê Rojhelatê Kurdîstanî û Îranî ame selamkerdene.

Peynîya merasîmî de sîyasetê qirkerdişî yê vera şaran û bitaybetî yê vera kurdan û tewirê çînkerdişê nê sîyasetî ameyî muneqeşekerdene.