Wekîlo verên ê HDPyî Îbrahîm Bînîcî ame tepiştene
Wekîlo verên ê HDPyî Îbrahîm Bînîcî seba ke qerarê cazaya 1 serre û 18 aşman a ke dîyaye ci, ame qetîkerdene, ame tepiştene.
Wekîlo verên ê Partîya Demokratîke ya Şaran (HDP) yê Riha Îbrahîm Bînîcî ame tepiştene.
Bînîcîyo ke keyeyê ci de ame destbendkerdene ame berdene Mudirîya Polîsan a Qeza Çankaya û tîya îfadeyê ci ame girewten. Seba ke Bînîcîyî 2013 de Wêranşerê Riha de çarçeweya falîyetanê partîya sîyasîyî de qisey kerdbi hetê Mehkemeya Cezaya Giran a 4. ya Riha ra cezaya 1 serre û 18 aşman dîyabi ci û seba ke na ceza ameye qetîkerdene, ame tepiştene û şawîya Zîndanê Sîncanî.
Cezaya ka 2020 de bi îdîaya 'propaganda' dîyaye Bînîcî kirişîyaye Meyhkemeya Berze û kanûna 2022yî de ameye tesdîqkerdene. Naye ser o Bînîcî ame tepiştene.
Bînîcî Dewaya Kobanê de 9 aşmî tepişte mendbi û 26ê hazîrana 2021î de tehlîye bibi.
