Cinîyê ke endamê Alternatîfê Azadîperwerî yê, seba ke paştî bidê dewe bi nameye weqfê xo Jinwarî rê çekêk şirawit.

Aktîvîsta Têgêrayîşê Cinîyan ê Kurdan yê Fransa (TJK-F) Hazal Karakûşa ke bi dawetê înan şîye merkezê cinîyan ê anarşîstan derheqê sebebê awankerdişê Dewa Jinwarî de û xebatanê ci de hayîdarîyî dayî.

Dewa Jinwarî

Karakûşe çekê ke do bêrê resnayene Dewa Jinwarî qebûl kerdî û seba nê bi nameyê cinîyan ê Jinwarî Alternatîfê Azadîperwerî rê spas kerd.

Destpêkê projeyê Jinwarî de verê awankerdişê dewe xeylî muhendîs û organîzasyonanê cinîyan dir pêvînayîşî ameyîbî viraştene. 10’ê Adare 2017 de bingeyê dewe ame eştene, awankerdişê ci 2018 de bi temam û 25’ê Teşrîna Peyêne ya 2018’î de amî akerdene. Dewe de kîşta 30 keyeyan de, Dibistana Maye Uveyşe, Akademîya Jinwarî, muzeyêk, merkezê weşîye, firinêk û yew dukan esto. Cinîyan dimayo ke dewe de bica bîyî Kanûn a 2018’î de zî meclîsê xo awan kerdî.

Alternatîfo Azadîperwer

Alternatîfo Azadîperwer zî organîzasyonêko anarşist o Frans o ke seba awankerdişê cimatêkê azadîperwer û komunîstî ke tede sinifî yan zî dewlete çina û seba ekonomî de xoîdarekerdiş û berhemdayîşê biplanî ameyo awankerdene. Organîzsayon Belçîka û Fransa de aktîf o.

Kovara mengane ya ke nameyê organîzasyonî pi ra yo hûmara xo ya 2014’î ya Êlule de bi neqlkerdişo ke Ajansê Xeberan ê Firatî ra girewtibi, bi sernameyê ‘Kurdistan-şoriş’ fotografê şerwanêka YPJ’yî ya Sûrîyeyije dabi qapaxê kovara xo ro. Heman wextî de kitabêkê bi nameyê ‘Kurdistan-Xoîdarekerdiş-Şoriş’ ê organîzasyonî ke hetê hemrayanê înan ê ke tewrê şorişê Rojawanî bîyê ra ameyo nûştene zî esto.