KON-MED: Semedê pawitişê Rojawanî ma vejîyê waran

KON-MEDî ca û saetê çalakîyanê 23ê temmuze pare kerdî û venga kurdîstanijan û dostanê înan da ke wa semed paştdayîşê Rojawanî de vejîyê waran.

KON-MEDî ca û saetê çalakîyanê 23ê temmuze bi eşkerayîyêke pare kerdî û venga kurdîstanijan û dostanê înan da ke wa 23ê temmuze de vejîyê waran.

KON-MEDî eşkerayîya xo de îfade kerd ke dewleta tirke wazena serrgêra Peymana Lozanî de reyna Rojawanî îşxal bikera û hetêkî ra zî bi çekanê kîmyewîyan hêrişê gerîlayan kena. KON-MEDî ard ziwan ke pawitişê Şorişê Rojawanî erkê her kesî yo. KON-MEDî venga hukmatê Almanya da ke wa vera rejîmê Erdoganî tewir bigêro, qedexeyê PKKyî wedarno, bazirganîya çekan a bi Tirkîya biqedîno.

KON-MEDî vat: ''Ma venga şarê Almanya danê ke paştî bido Rojawanî, vera faşîzm û îşxalê dewleta tirke hetê kurdan de ca bigêro. Bêrê ma pîya seba haştîye vengê xo berz bikerê. Ma venga pêro kurdîstanijan û dostanê xo danê ke vera hêrişanê dewleta tirke bi ruhê seferberî tewrê çalakîyanê 23ê Temmuze bibê.''

Bernameyê çalakîyanê 'Şorişê Rojawanî û Vera Îşxalî Kurdîstanî Bipawê' wina yo:                                                            

"Dusseldorf, DGB Haus / Saete: 14:00

Frankfurt, HBF / Saete: 15:00

Dresden Alauenpark / Saete:11:00

Berlin, Gesundbrunnen Berlin / Saete:18:00

Hamburg, HBF / Saete:15:30

Kiel, HBF / Saete: 16:00

Oldenburg, HBF / Saete: 17:00

Hannover, HBF / Saete: 14:00

Bremen, HBF / Saete: 16:00

Stuttgart ,Lautenschlager Str. / Saete:14:30

Freiburg, Am Stuhlinger Kirchplatz / Saete: 18:00."