Gerîlayanê HPG û YJA Starî çarçewa Hemleya Şorişgêre ya Bazanê Zagrosî de 8-9ê kanûne de herêma Zapî de operasyonê şorişgêr kerd. Qilanê Kela Bêdewê, Ciloya Biçûk û Şehîd Mûnzûrî de îşxalkerî têdima ameyî pirodayene û derbê pîlî dîyayî artêşa tirke ro. Nê operasyonê gerîlayan de artêşa tirke rixmê teknolîjîya xo mewzîyê xo caverdayî û remayî.Amadekarîya operasyonî û dimayê ci hetê Gerîla TVyî ra ameyî weşanayene.

Gerîlayê ke xeylêk wexto ke semedê destpêkerdişê nê operasyonî amadekarîye kenê vanê wazenê qesasê embazanê xo yê şehîdan bigêrê. Gerîlayêk vatişê Fermandarê Xoverdayîşê Werxelê Cumalî Çorumî yê 'No xoverdayîş do bibo têgêrayîşê pîl ê qesas û hêrişî fîneno' vîr û vano wextê nê têgêrayîşî ame û ewro ra tepîya do qet cayêkê Zapî de îşxalkerî meeşkê nefes bîgêrê.

 Tîrêj Dijwaro ke verê operasyonî kamarayanê Gerîla TVyî rê qisey kerd vat: ''Xeylêk wexto ma amadekarîya nê operasyonî kenê. Waştişê ma yo verên qesasgirewtişê embazanê ma yo. Bi na çalakîye do reyna hêzê gerîlayan bêro vînayene.''

Gerîlaya YJA Starî Vîyane Botana ke badê operasyonî derheqê çekena ke leşkeranê tirkan  serî ra ameyî wedaritene de qisey kerd vat: ''Semedê yew leşkerî çîyo tew eyb oyo ke çek ci destê ci ra bêro girewtene û vera ey bêro şuxulnayene. La leşkeranê tirkan de no şerm zî nêmendo. Leşkerî bi eştişê guleyê verênî mewzîyê xo caverdayî û remayî.''

Gerîlayê ke weş û war operasyonî ra agêrayî bi deyîran û govendan serkewtişê xo pîroz kenê. Gerîlayê Zapî anê ziwan ke no serkewtişê înan o ne verên ne zî peyên o.