Hemvervatoxanê Grûba Meclîsî ya HDPyî ya Şaredarîya Çewlîgî Hatîce Kitay û Ferhat Yildirimî meseleyê resî yê kokiman ardî ziwan.

Kitaye û Yildirimî îfade kerd ke ganî merdimê 65 serre ra pîlêrî ganî bi bêpereyî resê mîyanê şaristanî ra fayde bivînê. Kitaye û Yildirimî vat: ''Merdimê 65 serre ra pîlêrî serrêke ra nata nêeşkenê resê bêpereyî ra îstîfade bikerê. Hêverî hukmatî bi bahaneya janî dima zî Şaredarîya Çewlîgî no heq wedarna. La no heq qanûnan de esto.

Qanûnan ra zî eşkeno beno ke Şaredarîya Çewlîgî nê hetî ra kokiman mexdûr kena. Şar şaredarîye ra lutuf nê heqê xo wazeno. Ma sey HDPyî gerreyê winasênî ercnayî û dî ke şar bi taybetî zeman ra dima her warê cuye de zehmetîya pîle anceno, hînî nêeşkeno xo bidevirno. Coka ma wazenê cade Şaredarîya Çewlîgî heqê resê bêpereyî yê kokiman bîyara ca. Ma do sey HDPyî na babete teqîb bikerê û heta no heq bêro caardene mesele war nêverdê.''