Merkezê Îrtîbatî û Çapemenîye yê HPGyî da eşnawitene ke hîrê gerîlayî şehîd bîyî û nasanmeyê înan eşkera kerdî:

‘’Endamê Fermanarîya Eyaletî yê Wanî hemrayê ma Cûdî Kahraman aşma êlule de Wan de pêkewitşêk de sey qehremanêkî şerd kerd û tewrê kerwanê şehîdan bi. Nasnameyê hemrayê ma Cûdîyî wina yo:

Nameyê Qodî: Cûdî Kahraman Name û Peyname: Cumhur Kahraman Cayê Bîyayîşî: Colemêrg Maye-Pî: Cevahire  – Husnu Tarîx û Cayê Şehadetî: 2022yî / Wan

Hemrayê ma Cûdî sey ewladêkê eşîrê Mamxûrî Colemêrg de yeno dinya û seba ke dişmen dewa înan vêşneno keyeyê ci Colemêrgî ra bar keno. Hema domanîya xo ra raştîya dişmenî nas keno. Ciwanîya xo de tewrê xebetanê şorişî beno. Serranê unîversîte de xebatanê  xo aver beno û sey kadroyêkî aktîf tewrê têkoşînî beno. Xeylêk metropolanê Tirkîya û xeylêk bajaranê Kurdîstanî de xebat keno. 2011 de sey esîrî kewno testê dişmenî û zîndananê Mêrdîn û Sêrtî de maneno. Hemrayê ma Cûdî zîndanan sey akedemîyan şuxulneno. Badê hîrê serran zîndan ra vejîyeno û 2014 de verê xo dano koyanê azadan. Gerîlatîye lez museno, heme wezîfeyanê xo bi serkewtiş ano ca û hetê embazanê xo ra zaf yeno heskerdene. Tewr peynî de sey Endamê Fermandarîya Eyaletê Wanî wezîfe keno û pê pratîkê xo beno fermandarêko serêk.

Hemrayê ma Dijwar û Yusuf ê ke xeylêk wext warê Botanî de têkoşîno tarîxî da 2ê teşrîna verêne ya 2022yî de warê Besta pêkewtişêk de heta nefesê xo yê peyînî şer kerd û tewrê kerwanê şehîdan bîyî. Nasnameyê hemrayanê ma Dijwar û Yusufî wina yê:

Nameyê Qodî: Dijwar Çarçela Name û Peyname: Mazlûm Bahadir Cayê Bîyayîşî: Şirnex Maye-Pî: Gurcu – Selahattin Tarîx û Cayê Şehadetî: 2ê Teşrîna Verên a 2022yî / Besta

Nameyê Qodî:  Yusuf Mirdêsî Name û Peyname: Yilmaz Aslan Cayê Bîyayîşî: Riha Maye-Pî: Gulere – Halil Tarîx û Cayê Şehadetî: 2ê Teşrîna Verên a 2022yî / Besta

Hemrayê ma Dijwar sey ewlatêkê eşrîê Mamxûrî Şirnex de yeno dinya û pê kulturê welatperwerîye beno pîl. Hema domanîya xo de têkoşînê azadîye nas keno û serranê 2004-2005î de tewrê xebatanê ciwanîye beno û 2012 de verê xo danê koyanê Kurdîstanî. Dewrê kilmî de xo her hetî ra perwerde keno û sey gerîlayêkê serkewteyî tewrê xebatan beno. 2014 de gama ke çeteyanê DAÎŞî hêrişê şarê ma kerd, vera çeteyan şer keno û şarê xo paweno. Wextê şerî de tim xo dano sefanê verênan û xeyêk wext cepheyanê şerî de maneno. Prosesê şerî de xeylêk tecrube keno pêser û beno fermandarêko serkewte. Bado ke çeteye DAÎŞî bin kewntî, reyna verê xo dano koyanê azadan. Sey fermandarêkê sekêşî agêreno herra Botanî ke tede ameyo dinya la rîyê zextê dişmenî ra tede nêciwîyayo. Hemrayê ma Dijwar sey fermanarê herême yê Botanî  semedê Şerê Şarî yê Şorişgêrî keda pîle dano.

Hemrayê ma Yusuf Rija de keyeyêkê welatperwer û kedkarî de yeno dinya û hema domanîya xo ra Têkoşînê Azadîye yê Kurdîstanî nas keno. 2014 de tewrê xebatanê ciwanîye beno û bade xetanê xo yê serkewteyan sey esîrî kewno dişmenî dest. Çar serrî zîndan de senî mekteb de perwerde bivîno xo aver beno. Bi tewirê xo yê zelal û sereberzî zîndan de zî beno hedef. Hemrayê ma Dijwar bado ke zîndanî ra vejîyeno verê xo dano koyanê Kurdîstanî. 2014 de Amed e tewrê sefanê gerîlayan beno. Bado ke perwerde vîneno waranê Garê, Qendîl û Metîna de xeylêk wext tewrê xebatan beno. Dima ra verê xo dano Vakurê Kurdîstanî. Warê Botanî de xeylêk wezîfeyanê muhîman geno xo ser û bi serkewtişî ano ca. Hemrayê ma Yusuf waranê sey Herekol, Besta û Kela Mamê yê Botanî de gerîlatîye keno û bi çalakîyanê ke tewrê ci beno derbeyanê girdan dano dişmenî ro.

Ma keyeyanê erjîyayeyan ê hemrayanê xo yê qehremanan Cûdî, Dijwar û Yusufî û şarê welatperwerî yê Kurdîstanî rê serweşîye wazenê û soz danê ke ma do têkoşînê xo xurtêr bikerê û waştişê şehîdan bîyarê ca.’’