Merkezê Îrtîbatî û Çepemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê vatî:

‘’30ê êlule de warê Girê Sorî yê Metîna de îşxalkeranê ke rayîro leşkerî pawetêne hetê hêzanê ma ra gerîyayî binê kontrolî û mesafeyê nêzdî ra pê bombayanê destan û çekanê ferdîyan ameyî pirodayene. Na çalakîye de tewr tay 6 îşxalkerî ameyî cezakerdene. Dima ra erazî de pêkewtişî vejîyayî. Nê pêkewtiş û bobardumanan de hemrayê me Piling Teyî  û Zinar Reş bi hewayêkê qehremankîyî şer kerd û şehîd bîyî.

Nasnameyê hemrayanê ma yê şehîdan wina yê:

Nameyê Qodî: Piling Teyî Name û Peyname: Orhan Pezit Cayê Bîyayîşî: Şirnex Maye-Pî: Nergize – Kamil Tarîx û Cayê Şehadetî: 30ê Êlula 2022yî / Metîna

Nameyê Qodî: Zinar Reş Name û Peyname: Adnan Hemo Cayê Bîyayîşî: Kobanê Maye-Pî: Yaşare – Mustafa Tarîx û Cayê Şehadetî: 30ê Êlula 2022yî / Metîna

Hemrayê ma Piling Cizîra Botan de sey ferdêkê eşîrê Teyî yeno dinya û bi kulturê welatperwerîye beno pîl. Hema qijtîya xo de PKKyî nas keno û ciwanîya xo de tewrê xebatan beno. Tewr peynî de verê xo dano koyanê Kurdîstanî û tewrê sefanê gerîlayan beno. Hemrayê ma Piling waranê Avaşîn, Garê û Metîna de gerîlatîye keno. Seba ke apê hemrayê ma Pilingî sefanê YPSyî de şehîd beno, hêrsê ci yê vera dişmenî zafêr beno. Eyalete Metîna koordîne keno, Girê Ortê, Girê Hakarî, Zendûra  Qaşûra de tewrê xeylêk çalakîyan beno.  Hemrayê me Pilingo bêters her çalakîye de serkêşîye keno û şino dişmenî ser û heme wezîfeyanê xo bi serkewtişî ano ca.

Hemrayê ma Zinar Reş Kobanê de yeno dinya û eşîrê Kêtikî de bi kulturê welatperwerîye beno pîl. Keyeyê ci bi xo Rayber Apoyî nas keno. Hemrayê ma Zinar Reş û wayûbirayanê ci Şorişê Azadîye yê Rojawanî de wezîfeyê xo anê ca. Wextê hêrişê DAÎŞî de keyeyê hemrayê ma zî vera çeteyan de tewrê têkoşînê Kobanê beno nê têkoşînî de birayê ci Hogir Reş şehîd beno. Reyna dezayê ci Hesen û detkênaya ci Bêrîvane zî tewrê kerwanê şehîdan benê. Hemrayê ma Zinar 2015 de tewrê sefanê têkoşînî beno. Hemleya Şorişgêre ya Cengê Xaburî de aktîf ca geno. Vera hêrişê îşxalî yê dewlta tirke warê Metîna de şer keno. Xeylêk çalakîyan de ca geno û derbeyanê pîlan dano dişmenî ro.

5ê teşrîna verêne de Warê Xoverdayîşî yê Sîda de îşxalkerî têdima ameyî pirodayene. Netîceyê pirodayîşê hêzanê ma de helîkopterê skorsky peyser agêra. Warê Xoverdayîşî yê Girê Şehîd Derwêşî yê Xakurkê de îşxalkerî pê çekanê giranan ameyî pirodayene.

Artêşa tirke ya îşxalkere 5ê teşrîna verêne de mewzîyê şerî yê Warê Xoverdayîşî yê Sîda, Girê Amedîye pê bombayanê qedexeyan û çekanê giranan dayî bombayan ver. Eynî roje Warê Xoverdayîşî yê Saca, Girê Hakarî, Girê FM, Girê Cûdî, Giê Amedîyê, Girê Bihar, Çemço, Karker û warê Gundê Yekmalê û Kanîsrkê yê Garê û Serê Metîna pê teyarayanê şerî, helîkopteranê hêrişî û obusan dîyayî bombayan ver.

Warê Girê Berbizinê û Hornê yê ke pabesteyê Goşînê yê Xakurkê yê hetê hêzanê Îranî a pê obus û havanan dîyayî bombayan ver.’’