ROJAWAN-SÛRÎYE

Xeberê peyênî

• 'Ma do xo ver bidê û ser bikewê' 

  Şîrîne Îbîşa ke Efrînî ra hêrişanê dewleta tirke ra reya diyîne koç kerdo ard ziwan ke ê do hêvîya xo ra fek vera nêdê, bi xoverdayîşî ser bikewê û vat: ''Çunke no ware wareyê ma yo.''
• Şehîdê Rojawanî hetê bi hezaran kesan ra ameyî definkerdene 

  Qamişlo, Kobanê û Hesekê de şervanê azadîye yê ke vera hêrişê îşxalê dewleta tirke yê vera Rojawanî bi hewayêkê qehremankî şer kerd û şehîd bîyî bi girseyî ameyî definkerdene.
• Dewleta tirke ya îşxalkere ra sewqîyato giran 

  Dewleta tirke ya îşxalkere û çeteyê ci SMOyî ver bi Pirdê Qereqozaq û sînorê Kobanê sewqîyatê giranî kenê.
• Cepheyê Awbendê Tişrînî ra dîmenê peyênî 

  Ma dîmenê cepheyê Awbendê Tişrînî ke tede pêkewtişê giranî qewimîyenê girewtî. Awbend binê kontrolê şervananê Meclîsê Leşkerî yê Minbicî û QSDyî de yo. Rîyê hêrişê çeteyanê SMOyî ra tehlukeyê teqayîşê awbendî est o.
• Bîlançoya 3 rojan: 210 cergî kişîyayî, 6 tankî ameyî îmhakerdene 

  Meclîsê Leşkerî yê Minbicî pare kerd ke hêrişê dewleta tirke û cerganê SMOyî yê vera Tişrîn û Qerekozakî ameyê şiknayene. 3 rojan de 210 cergî kişîyayî, 39 wesayîtê leşkerî û 5 tankî ameyî îmhakerdene, 5 ÎHAyî ameyî warvistene.
• 121 kesê ke bi zorî dîyayê koçkerdene, waranê asayîşî de yê 

  Şêxmûs Ehmedî pare kerd ke 25 hezar keyeyî yanî 121 hezar kesî Kantonê Efrîn-Şehba ra bi asayî derbazê waranê Îdareyê Xoserî bîyê. Ehmedî venga NYyî û dezgehanê bînan da ke destek bidê Îdareyê Xoserî.
• Mazlûm Ebdî: Her wextî ra zafêr ma hewceyê yewîye yê 

  Fermandarê Pêroyî yê QSDyî Mazlûm Ebdîyî ard ziwan ke wextê îstînayî ra yeno ravêrtene û vat: ''Her wextî ra zafêr ma hewceyê yewîye yê.'' Ebdîyî vat înan semedê adirbirnayîşê mendeyî bi rayîrê koalîsyonê mîyanneteweyîyî Tirkîya reyde zî pêvînayîş kerdo.
• Şarê Minbicî vera çeteyanê Erdoganî vejîya kuçeyan 

  Şarê Minbicî yo ke hetê çeteyanê dewleta tirke ra ame îşxalkerdene, vera sûcanê dewleta tirke û çeteyanê ci vejîya kuçeyan.
• Meclîsê şaran: Beyraqa Sûrîye do herêmanê xoseran de bibo 

  Îdareyê Xoserîya Demokratîke da zanayene ke herêmanê Rojawanî de beyraqa Sûrîye do bêra daliqnayene.
• QSDyî dîmenê çalakîyanê qesasî pare kerdî 

  Merkezê Çapemenîya QSDyî dîmenê çalakîyanê qesasî yê vera hêrişanê dewleta tirke ya îşxalkere pare kerdî.
• Mîyanê di hewteyan de bi desan sivîlî ameyî qetilkerdene 

  Îdarekara Rêxistina Heqanê Merdiman a Sûrîye Evîne Cuma ard ziwan ke hêrişanê di hewteyanê peyênan de Rojawan de domanî zî tede bi desan sivîlî kişîyayê û vat: ''Hêrişê vera sivîlan hema zî giran benê.''
• Dewleta tirke hîrê baskan ra hêrişê Tişrînî kena 

  Artêşa tirke ya îşxalkere hîrê baskan ra bi tank û panzeran hêrişê Pirdê Tişrînî kena. Şerwanê QSDyî zî vera hêrişan xo ver danê.
• Îşxalkerî hêrişê Awbendê Tişrînî û Pirdê Qereqozaqî kenê 

  Dewleta tirke ya îşxalkere vizêr şewe ra nata hêrişê Awbendê Tişrînî û Pirdê Qereqozaqî kena.
• Fermandarê QSDyî Ebdîyî ra eşkerayîya tirbeya Suleyman Şahî 

  Fermandarê Pêroyî yê QSDyî Mazlûm Ebdîyî pare kerd ke ê amade yê ke derheqê tirbeya Suleyman Şahî de goreyê peymananê mîyanneteweyîyan têbigêrê û terefan de hemkarî bikerê.
• Vera Kobanê û Reqa hêrişê îşxalî 

  Dewleta tirke ya îşxalkere vera Reqa û Kobanê hêrişanê îşxalî rê dewam kena.
• Xoverdayîşê serê rayîrê koçberîye 

  Cîhane Mistefaya ke hêrişanê cerganê dewleta tirke ya îşxalkere ra neçare menda ke koç bikera vat: ''Zulmêko pîl şarê ma rê yeno kerdene. Labelê ma do erdê xo bipawê û şarê ma do ser bikewo.''
• Endamê Hêzanê Asayîşê Zereyî Îsmaîl Ebil şehîd bi 

  Hêzanê Asayîşê Zereyî yê Rojawanî pare kerd ke endamê înan Îsmaîl El Ebid başûrê Çemê Firatî de şehîd bîyo.
• Pirdê Qereqozaxî de dewleta tirke cinîyêke qetil kerde 

  Hêrişê cerganê dewleta tirke ya îşxalkere yê vera Pirdê Qereqozaxî de cinîyêka 60 serre kişîyaye û domanêk zî birîndar bi.
• Cergan bi ÎHAyan hêrişê Reqa kerd 

  Cerganê dewleta tirke ya îşxalkere rojawanê Reqa de bi ÎHAyanê kamîkazeyan hêriş kerd.
• Hemserekê CDK-Fyî seba Rojawanî veng da 

  Hemserekê CDK-Fyî Şahîn Polatî venga pêro kesan da ke seba Rojawanî bi ruhê xoverdayîşê Kobanê têbigêrê û çalakîyanê lezabezan bikerê.
• Îşxalkeran da ambulansî ro: 2 şehîd 

  Dewleta tirke ya îşxalkere serê rayîrê awbendê Sirrîn-Tîşrînî de da ambulansê birîndaran ro. Hêriş de ramitox û birîndarêk şehîd bîyî.
• Mazlûm Ebdî: Minbic de adirbirnayîş ame kerdene 

  Fermandarê Pêroyî yê QSDyî Mazlûm Ebdî vat Minbic de adirbirnayîş ame kerdene.
• Îdareyo Xoser: Sîvîlî yenê qetilkerdene, bêveng memanê 

  Îdareyê Xoserî da zanayene ke dewleta tirke ya îşxalkere sîvîlan hedef gena û semedê pawitişê sîvîlan veng da hêzanê mîyanneteweyîyî. Îdareyê Xoserî vat: ''Ma do pawitişê şar û herra xo rê dewam bikerê.''
• Dewleta tirke ya îşxalkere Kobanê de di kesî qetil kerdî 

  Dewleta tirke ya îşxalkere dewa Ceida Mezinî ya Kobanê de yewê înan doman di kesî qetil kerdî.Bombarduman de di domanî zî birîndar bîyî.
• QSDyî Qereqozaq û Dêr Hafir de hêrişê çeteyan şikitî 

  QSDyî Qereqozaq û Dêr Hafir de çeteyî peyser qeldayî. Qereqozaq de 100yî ra zafêr çeteyî ameyî kiştene. Dêr Hafir de wesayîtêk pîya bi çeteyanê ke tede bî ame îmhakerdene.