12ê adare de çarçeweya Cipersayîşê Serdozgerîya Komare ya Îstanbulî de Îstanbul, Aqara û Adana de sereştişanê keyeyan de endamê Partîya Sosyalîste ya Bindestan (ESP),Federasyonê Komeleyanê Ciwanan ê Sosyalîstan (SGDF), Meclîsê Cinîyan ê Sosyalîstan (SKM) û Ajansê Xeberan ê Etkînî ra Elîfe Bayburt zî tede 11  kesî ameybî destbendkerdene.

Dîya zanayene ke ciwanê ke ameyî destbenkerdene rîyê parkerdişanê medyaya sanale ra yenê sucdarkerdene ke qala Suphî Nejat Agirnasli, Îvana Hoffman û şervananê bînanê ke  Rojawan de şerê vera DAÎŞî de şehîd bîyî, kerda.

Ciwanî bi beyananê Berfîne Ayirkan sey ''endamê MLKPyî'' zî ameyî sûcdarkerdene. Ciwanan vera destbendkerdişî nêrazîbîyayîş mojna heqê xo yê ''qiseynêkerdişî'' şuxulna.

 Vizêr rojnamegere Elîfe Bayburt û Bariş Yilmaz serdozgerîye de  bi şertê kontrol edlîyî ameyî veradayen û 9 kesê  bînî sewqê Dadgerîya Ceza Sulhî bîyî. Alev Ozkiraz, Birkan Polat, Can Papila, Deniz Bahçeci, Okan Danaci, Ozge Dofan, Seneme Nur Pektaş, Şukrane Yaren Tuncer û Tanya Kara ameyî tepiştene.