Amed de şarî seba ke bireso warê Newroze bi sloganê 'Biciwîyo Serek Apo' barîkatê polîsan rijnayî. Polîsan seba ke têkilîya protokol û şarî bibirnê xîret kerd ke barîkatan ronê û têlî viraştî. Bi taybetî ciwanan vera ney nêrazîbîyayîşê xo mojna.

Ciwanê ke Halê Neweyî ra ameyêne warê Newroze bendê kontrolî de ameyî vindarnayene û ciwanan na rewşe protesto kerde. Polîsan bi bombayanê gazî û jopan hêrişê ciwanan kerd. Ciwanan zî pê kerrayan xo ver da.

Warê Newroze de alozîye dewam kena. 

Serê sehne de bi kurmanckî, kirdkî, erebkî, armenkî, tirkî û îngilîzkî nuşteyê 'Newroze fîraz bo' ame dardekerdene. War de alayê HDPyî û flamayê keskûsûrûzerdî ameyî dardekerdene. War de posterêko pîl ê Denîze Poyraz zî esto.