Emîne Şenyaşara ke mêrde û di lajê ci hetê merdimanê Wekîlê AKPyî Îbrahîm Halîl Yildizî ra kişîyayî 9ê adara 2021î ra nata lajê xo Ferît Şenyaşarî reyde verê Edlîyeya Riha de nobeta edaletî tepişena. Keyeyê Şenyaşarî seba ke peynîya hewteyî de Edlîyeya Riha qefilnayeya çalakîya xo Pirsûs de keyeyê xo de domeno.

Nobeta Edalîtî 9ê adare roja çarşemeyî serra xo ya verêne xo dima verdena. Keyeyê Şenyaşarî bi na wesîle hesabê xo Twîtterî ra mesajêko vîdeoyin pare kerd. Vîdeo de derheqê hêrişê vera merdimanê înan de tay dîmenî ameyî ramojnayene û wina ame vengdayene: ''Ma tîya sey di kesan dest pê çalakîye kerde la nika çalakîya ma bîya sey dewaya rayapêroyîye. 9ê Adare de bêrê rojêke ma ya pîya Nobeta Edaletî tepişê. Na nobeta ma tarîxî de cayê xo gena. Kam ke wazeno tarîxî rê şahîdîye bikero ma bêro tewrê çalakîya ma bibo.''