Tirkîya û Vakurê Kurdîstanî de polîtîkayanê îqtîdarê AKP-MHPyî ra krîzo ekonomîk her ke şino beno giranêr. Dikandaranê Wanî derheqê babete de ANFyî rê qisey kerd û pare kerd ke krîzê ekonomîkî û zeman ra karê înan ho vindeno.

Dikandar Enver Hedefî ard ziwan ke îmkanê şarî çin o ke çîyêkî bihêrîno û vat: ''Her roje zemî yenê. Zeman ra merdimî nêeşkenê îhtîyacanê xo yê bingeyînan zî bihêrînê. Şarî verê cû pê kîloyan sewze û meyweyî hêrînayêne la nika nêeşkenê pê graman zî bihêrîno.''

Dikandar Îzbat Tekînî îfade kerd ke zeman ra tim ê û muşterîyî kewenê pê û vat: ''Sûcê ma çin o, ma zî zeman ra aciz ê. Malê ma destê ma de manenê. Ma nêeşkenê kiraya xo zî bidê. Berhemêko ke par ma 15-20 lîra ra rotêne emser 45 lîra ra roşenê. Şar vano 'zaf vay o', xebera înan a. Hema zî zemî dewam kenê. Ganî na rewşe qetî bêra çareserkerdene. Hem dikandarî hem zî muşterîyî mexdûr ê.''