AKTUEL

Xeberê peyênî

• Îdareyê zîndanî dest na mektubanê rojnamegeran ser  

  Eşkera bi ke mektubê ke DFGyî rojnamegere Sîbele Mustafaoglu rê şawitbî Îdareyê Zîndanê Şakranî dest nayo înan ser.
• Şaredarîya Parisî: Ma hetê kurdan de yê 

  Şaredarîya Parisî hêrişê vera gorê hunermendê kurdî Ahmet Kayayî şermezar kerd û vat: ''Ma hetê kurdan de yê.''
• Avûkatanê Rayberê Şarê Kurdî reyna muracat kerd 

  Avûkatanê Rayberê Şarê Kurdî Abdullah Ocalanî yê ke bi serran o nêeşkenê muwekîlê xo bivînê, semedê pêvînayîşî reyna muracatê Serdozgerîya Komare ya Bursa kerd.
• Bêhuqûqîya Îmraliyî rojdemê Parlamentoyê Ewropa de ya 

  Parlamentoyê Ewropa de roniştişê derheqê binpaykerdişanê heqanê merdiman ê Tirkîya de vera tecrîdkerdişê Rayberê Şarê Kurdî Abdullah Ocalanî nêrazîbîyayîş ame mojnayene û veng dîya ke rejîmê Erdoganî bêro boykotkerdene.
• Heyva Sore semedê hetkarîya koçberan veng da 

  Heyva Sor a Kurdîstanî semedê koçberanê serê sînorê Polonya-Belarusî dest pê kampanyaya hetkarîye kerd û venga pêro kurdîstanijan da ke tewrê kampanya bibê.
• Seyîd Riza û embazê ci Kadikoy de ameyî yadkerdene 

  Seyîd Riza û embazê ci serrgêra 84. ya îdaman de Kadikoy de ameyî yadkerdene. Merasîmê yadkerdişî de ame waştene ke cayê goranê înan wa bêro eşkerakerdene.
• Wan de 6 tepişteyî ameyî surgunkerdene 

  Zîndanê Wanî ra 6 tepişteyî zîndananê cîya cîyayan rê ameyî surgunkerdene.
• Amed de 14 sîyasetmedar û sendîkagerî ameyî tepiştene 

  Amed  de 19 sîyasetmedar û sendîkagerê ke hewteyo ravêrte ameybî destbendkerdene înan ra 14 kesî ameyî tepiştene. Platformê Kede û Demokrasîyî yê Amedî tepiştişî protesto kerdî û mesajê pîlkerdişê têkoşînî dayî.
• Netîcenameyê kombîyayîşê HDKyî: Îtîfaqê rayîrê 3. zaf girîng o 

  Netîcenameyê kombîyayîşê HDKyî de ame îfadekerdene ke weçînayîşê verwextî yê muxtemelî ra verî zaf girîng o ke îtîfaqê rayîrê hîrêyînî asta herêmîye de bêro birêxistinkerdene.
• Dêrsim: Seyîd Riza zerrîya şarî û waranê xoverdayîşî de ciwîyeno 

  Dêrsim de Seyîd Riza û embazê ci ameyî yadkkerdene. Ebru Gunay vat: ''Beno ke ewro gorê Seyîd Rizayî çîn o, la o zerrîya ma de, waranê xoverdayîşî de ciwîyeno. Cayê ey her cayê Kurdîstanî yo ke tede xoverdayîş esto.''
• Merdimanê tepişteyan keyeyê Şenyaşarî zîyaret kerd 

  Endamanê TUHAY-DERî keyeyê Şenyaşarî zîyaret kerd ke xoverdayîşê xo rê dewam keno.
• DADî Meydanê Taksîmî de Seyîd Riza û embazê ci yad kerdî 

  DADî rixmê astengîya polîsan zî Meydanê Taksîmî yê Îstanbulî de Seyîd Riza û embazê ci serrgêra 84. ya îdamanê înan de yad kerdî û vat: ''Ma tewirê înan ê rûmetênî rê îman kenê. Ma îfade kenê ke ma pê îqrarî pabesteyê têkoşînê înan ê.''
• Şehîdê keyeyê Guloyî Dormund de ameyî yadkerdene 

  Şaristanê Dortmundî de şehîdê Qamişloyî Yûsif Gulo û di tornê ci ameyî yadkerdene û sozê pîlkerdişê têkoşînî ame dayene.
• Terteleyê Dêrsimî: Ganî dewlete nê dir bêra têrî 

  Dîrektor Devrîm Tekînogluyî îfade kerd ke dardekerdişê Seyîd Riza û embazanê ci dêrsimijan rê birîn a û pare kerd ke heta ke dewlete Terteleyê Dêrsimî dir nêra têrî na birîne weş nêbena.
• TJA û HDPyî startê çalakîyanê 25ê Teşrîna Peyêne da 

  Têgêrayîşê Cinîyan ê Azadan (TJA) û Meclîsê Cinîyan ê HDPyî şaristananê Mersîn û Riha de startê çalakîyanê 25ê Teşrîna Peyêne Roja Têkoşînê vera Şîdetê Serê Cinîyan da.
• Kemalbaye: Rewşa multecîyan ganî bêra çareserkerdene 

  Wekîla HDPyî Serpîle Kemalbay bale ante trajedîya serê sînorê Polonya-Belarusî ser û venga rêxistinanê merdiman da ke bi hîsgerî têbigêrê û peynîya na trajedî bîyarê.
• Şehîdî ameyî yadkerdene  

  Helsinborg û Helsinki de şehîdê Qamişloyî û şehîd Aydin Gunay ameyî yadkerdene.
• Dewleta tirke Anvers de ameye şermezarkerdene 

  Kurdîstanijan şaristanê Anversî yê Belçîka de hêrişê kîmyewî yê dewleta tirke şermezar kerdî û vat: ''Ma do her roje meydanan de wayîrê gerîlayan vejîyê.''
• Heyetê KNKyî sînorê Belarus-Polonya de yo 

  Hemserek Ahmet Karamus zî tede heyetêkê KNKyî resa sînorê Belarus-Polonya.
• Kampa Holî de di kesî ameyî kiştene 

  Çeteyanê DAÎŞî hêrişê Kampa Holî kerd, netîceya hêrişî de kampe ra di kesan dinyaya xo bedilnaye.
• Bulbul: Tarîxê Tirkîya ra nata elewîyî tim yenê înkarkerdene 

  Parlamenterê HDPyî Kemal Bulbulî vat: ''îqtîdaro ke elîwîtîye qebul nêkeno keno ke bi metodanê nemeşruyan xo bido qebulkerdene. Ganî naye rê nêro xapînayene.''
• Hêrişê kîmyewîyî ameyî şermezarkerdene 

  Xeylêk şaristananê Almanya de hêrişê kîmyewîyî yê dewleta tirke yê vera gerîlayan ameyî şermezarkerdene û veng dîya dezgehanê mîyanneteweyî ke wa bêveng memanê.
• Vera hêrişanê bi çekanê kîmyewîyan kampanyaya îmzayan 

  Konfederasyonê Komelanê Kurdîstanijan ê Almanya (KON-MED) vera hêrişanê bi çekanê kîmyewîyan ê dewleta tirke ya îşxalkere û bêvengîya hukmatê Almanya dest pê kampanyaya îmzayan kerd.
• 'Keştîya Azadîye' resaye Napoli: Ocalanî rê azadîye 

  'Keştîya Azadîye' ke semedê azadîya Rayberê Şarê Kurdî Abdullah Ocalanî Atina ra kewte rayîr resaye şaristanê Napoli yê Îtalya.
• Semedê pêvînayîşê Rayberê Şarê Kurdî reyna muracat ame kerdene 

  Wasî û keyeyê Rayberê Şarê Kurdî Abdullah Ocalanî semedê pêvînayîşî muracatê neweyî kerdî.