Başûrê Asya de menha hezîrane ra nata varanê musonan dewam kenê. Varanê musonan her serre zerarê pîlî danê herême.

Bi taybetî Hîndîstan de prosesê musonan de 847 kesî merdî. Bangladeşte zî hûmara mergan resaye 226, Nepal de 218 kesî zî merdî û 69 kesî zî varanan de bîyî vîn. Roja çarşemeyî Delhîya Newîye de kuçeyî binê awe de mendî. Bangladeş de zî musonan ra se ra 40ê erdê welatî binê awe de mendî.