Têgêrayîşê Cinîyan ê Azadan (TJA) qezaya Rêya Armûşî ya Wanî de bi sloganê ''Bi Jin, Jiyan, Azadî; Ver bi 8ê Adare'' eşkerayîyêke daye. Hemsereka DEM Partî ya Wanî Gulşene Kurt, namzeda Şaredarîya Rêya Armûşî ya DEM Partî Canane Uzunay zî beşdarê eşkerayîye bîyî. Cinîyan kincê neteweyî xo ra kerdî û govende girewte.

Gulşene Kurt çalakîye de waşt ke wa tecrîdê vera Rayberê Şarê Kurdî Abdullah Ocalan bêro wedaritene û îfade kerd ke kurdî weçînayîşanê herêmîyan de do îradeyê xo bimojnê.

Dima Hemsereka DEM Partî ya Rêya Armûşî Şevîne Polat venga pêro cinîyan da ke tewrê Mîtîngê Cinîyan ê Pîlî bibê.

Qezaya Artemêtanî de zî bi meşaleyan rayraşîyayîş ame kerdene. Rayraşîyayîş de fotografê cinîyanê ke ameyê qetilkerdene ameyî berzkerdene û sloganê sey "Bijî berxwedana zindana", "Jin, Jiyan, Azadî" û "Bijî Serok Apo" ameyî vatene.

Dima cinîyan adir vist ta û dormeyê ci de govende girewte.