KURDISTAN

Xeberê peyênî

• Keyeyê gerîla Aykulî cenazaya lajê xo tewreyê cesetî de girewt 

  Gerîlayê HPGyî Serhat Aykulo ke Hatay de şehîd bibi keyeyê ci badê çar mengan cenazaya ey zereyê tewreyê cesetî girewt. Camî tabût û şaredarîye zî wesayît nêda.
• Parlamenteranê Başûrê Kurdîstanî paştî daye çalakwanan 

  Parlamenterê Parlamentoya Kurdîstanî semedê paştdayîşê çalakwanan do dest pê grevê bikerê.
• Dekewtiş û vejîyayîşê 4 şaristananê Başûrî qedexe yê 

  Şaristananê Ranya, Helebçe, Germîyan û Silêmanî yê Başûrê Kurdîstanî de semedê çalakîyan ra dekewtiş û vejîyayîşî ameyî qedexekerdene.
• Vakurê Kurdîstanî de varayîş o 

  Vakurê Kurdîstanî de merkezanê Dêrsim, Amed û Çewlîgî de varan serê koyan de zî vewre varena. Dêrsim de vewre  rayîrê 132 dewan girewtî. Çewlîg de zî wesayîtêk qeza kerd.
• Dewaya Sûrî de Abîşe rê cezaya 7 serran dîyaye 

  Dewaya Sûrî de Emîne Abîş rê cezaya zîndanî ya 7 serran û 6 mengan dîyaye.
• Kop de 5 kesî ameyî destbendkerdene 

  Sereştişê keyeyan ê Kopî de tewr tay 5 kesî ameyî destbendkerdene.
• Başûrê Kurdîstanî de hûmara kesanê ke merdî bîye 6 

  Çalakîyanê protestoyî yê Başûrê Kudîstanî yê ke bitaybetî herêmanê pabesteyê Silêmanî de yêne kerdene de, di rojan de netîceya hêrişê hêzanê asayîşî de yewê ci domano 12 serre 6 kesan cuya xo vînî kerde.
• Gerîlayê HPGyî Çinar gorê xo ser ame vîrardene 

  Gerîlayê HPGyî Suleyman Çinaro ke pêkewtişê Şenyayla de şehîd bibi serê gorê xo de ame vîrardene.
• Dêrsimîjî: Wa Rektor Ubeyde Îpek wezîfeyî ra bêro girewtene 

  Platformê Hêzanê Kede û Demokrasîyî yê Dêrsimî seba ke Unîversîteya Munzurî bi destê dewlete sey baregehê tarîqatan yeno şuxulnayene nêrazîbîyayîş ramojna û waşt ke wa Rektor Ubeyde Îpek wezîfeyî ra bêro girewtene.
• Endamê Meclîsê Ciwanîye yê HDPyî Oguz ame destbendkerdene 

  Endamê Meclîsê Ciwanîye yê HDPyî Ercan Oguz  Cizire de  ame destbendkerdene.
• Gerîla TVyî dîmenê çalakîya Qela Bêdawe ya Zapî weşanayî 

  Gerîla TVyî dîmenê çalakîya sabotajî ya ke 14ê teşrîna peyêne de warê Qela Bêdewe yê Zapî de vera artêşa tirke ya îşxalkere amebî kerdene, weşanayî.
• HPGyî şehîdê Serhadî yad kerdî 

  HPGyî Armance Cigêrxwîn (Benazire Tebelî), Karker Serhat (Mehmet Emîn Delen), Hogir Serhat (Muhammed Taşçi) û Hêvî Tilhildan (Dîlane Olgun) ê ke 26ê tebaxe de şehîd bîyî yad kerdî.
• Çewlîg: 28 kesan rê cezaya 'karantîna' 

  Çewlîg de 28 kesê ke goreyê qedexeyê tebervejîyayîşî tênêgêrayî înan rê cezaya pereyî ya 88 hezar 200 TL dîyaye.
• Amed: Babî û kênaya ci pê çeka qoricîyan ameyî kiştene 

  Qezaya Çêrmûgî ya Amedî  de çeka ke 9 mengî verê cu  babî û kênaya ci kiştî eşkera bi ke ya qoricîyan a.
• Başûrê Kurdîstanî de protestoyî vila benê 

  Başûrê Kurdîstanî de vera huıkmat û partîyan çalakîyê protestoyî vila benê. Xeylêk şaristanan de bînayê partîyan ameyî vêşnayene, tewr tay 2 kesî merdî, bi desan kesî birîndar bîyî û ameyî destbendkerdene.
• Dêrsim: Vera asîmîlasyonî ma do bawerî û kulturê xo bipawê 

  Dêrsimijan vera rêxistinbîyayîşê tarîqatan nêrazîbîyayîşê xo mojna û îfade kerd ke şaristan de polîtîkaya 'yew ala, yew bawerî, yew ziwanî' yena caardene. Şarî vat: ''Vera asîmîlasyonî ma do bawerî û kulturê xo bipawê.''
• Başûrê Kurdîstanî: Protestoyan de 2 kesî merdî 

  Başûrê Kurdîstanî de protestoyanê krîzê ekonomîkî de tewr tay 2 kesî merdî bi desan kesî birîndar bîyî. Nawnayîşan de bînayê pêro partîyan ameyî vêşnayene.
• Kalkan: Semedê rijnanîyîşê faşîzmî ganî têkoşîn bêro pîlkerdene 

  Endamê Komîteya Rayberdişî ya PKKyî Duran Kalkanî ard ziwan ke faşîzmo ke binê ablûqa û tecrîdî de yo, bîyo parçe-parçe û rijîyeno. Kalkanî vat: ''Erdogan û Bahçelî emser do birîjê.''
• Hunermend Raber Dîler: Bi ziwanê xo qisey bikerê 

  Hunermendo dêrsimij Raber Dîler: ''Teberî seba çinkerdişê kirmanckî xîretêk esto. Tîya de wezîfe keweno ma pêroyînan milî. Seba ke ziwanê ma çin nêbo ganî ma wayîrê ci vejîyê.''
• Merkezê PDK û YNKyî  yê Seyîdsadiqî ameyî vêşnayene 

  Şarê qezaya Seyîdsadiqî  ke vera rewşa xirabe ya herême  vejîya kuçeyan merkezê PDK û YNKyî vêşnayî.
• Şingalijî: Ma do deskewteyanê xo yê 6 serran war nêverdê 

  Şarê Şingalî vera peymana PDK-Iraqî ya serê Şingalî rayraşîyayîşêk û çalakîyêke kerde. Şingalijan vat ke ê do destkewteyanê xo yê 6 serran ra fek vera nêdê û destkewteyanê xo teslîmê kesan ê bînan nêkerê.
• Tepişteyî bêxebere Sêrtî ra erşawîyayî Êlih 

  Erzlerzê Misrcî yê Sêrtî ra dima 408 tepişteyî bê xebera keyeyanê înan sewqê Zîndanê Êlihî ameyî kerdene.
• Îranî Selmas de kolberêko bîn qetil kerd 

  Rejîmê Îranî herêma Selamsî ya Ûrmîye ya Rojhelatê Kurdîstanî de hêrişê kolberan kerd û kolberê bi nameyê Ferzad Sedûnzadeyî qetil kerd.
• Xebera tecawuzê Kercewsî ameye astengkerdene 

  Xebera Kercewsî ya ke leşker, polîs û qoricî zî tede 27 kesan tecawuzê domanêke kerd, ameye astengkerdene.
• Cenazayê Goristanê Garzanî nêdîyenê 

  Cenazayê gerîlayan Goristanê Garzanî ra ameybî vetene û Kîlyos de goristanê bêkesan de kişta rayîrî de mîyanê kutuyan de ameybî definkerdene. Şeyhmus Tekîn  3 serrî yo xîret keno ke cenaya lajê xo bigêro.