ROJAWAN-SÛRÎYE

Xeberê peyênî

• Dr. Osman: Doktorî zî ganî mesuldarîyanê xo bîyarê ca  

  Dr. Osman Şêx Îsayî pare kerd ke OPCW seba ke vera hêrişanê kîmyewîyan erkê xo nêkeno ci rê bawerîye nêna kerdene. Îsayî ard ziwan ke ganî doktorî zî vera hêrişanê kîmyewîyan tewirê xurtî bimojnê, cigêrayîşî bikerê û netîceyanê ney pare bikerê.
• 'Verê ma de şerêko pîl est o, ganî her kes ci rê xo amade bikero' 

  Temsîlkara Îdareyê Xoserî yê Rojawanî ya Silêmanî Evîne Swêd bale ante hêrişanê dewleta tirke û cerganê ci ser û vat: ''Verê ma de şerêko pîl est o. Ganî her kes xo nê şerî rê amade bikero ke nêbo qurban.''
• Çiya Kurd: Anqara peyê senaryoyêkê neweyî de yo 

  Bedran Çiya Kurdî dîyar kerd ke cergê Heyet Tehrîr El Şamî ver bi herêmanê îşxalkerdeyan erşawîyenê û yeno waştene ke nê çeteyî vera QSDyî şer bikerê. Çiyayî vat: ''No senaryo sey parçeyêkê peymana mabênê Anqara û Şamî yo.''
• Salih Muslimî venga PDKyî da: Sûcê dişmenî menimnê 

  Hemserejê PYDyî Salih Muslimî dîyar kerd ke sivîlê ke hêrişanê kîmyewîyan ê dewleta tirke de birîndar bîyê bi nimitkî yenê tedawîkerdene. Muslimî venga PDKyî da û vat: ''Sûcanê dişmenî menimnê.''
• Cinîyê Efrînî: Ma do hêvîyanê şehîdanê xo bîyarê ca 

  Cinîyanê Efrînî serrgêra şehadetê şehîde Bêrîtane de soz da ke xeta şehîdan de şorê. Cinîyan dîyar kerd ke ê do xo biresnê pêro cinîyan ke xeta azadîye bişinasnê û pîya bipawê.
• Bêrîtane hetê ciwananê Rojawanî ra ameye vîrardene 

  Bêrîtana ke bîya sembolê xeta têkoşînî serrgêra şehadetê ci ya 30. de Tebqa, Kobanê û Minbic de ameye vîrardene.
• 'Şoriş resayo a aste ke tira agêrayîş çin o' 

  Şerwanê enternasyonalîstî Agirî îfade kerd ke rixmê teda û hêrişan zî Şorişê Rojawanî mîyanê 10 serran de komelê Rojawanî resna a aste ke hînî tira agêrayîş nêbeno.
• Ciwanî Qamişlo, Tebqa û Minbic de vejîyayî waran 

  Têgêrayîşê Ciwananê Şorişgêran ê Sûrîye bi şîarê 'Qesas sozê ma yo' Qamişlo de bi pêramotişêkê fotografanê şehîdan gerîlayê şehîdî yad kerdî. Tebqa û Minbic de zî vera hêrişanê kîmyewîyan ciwanî waran de bîyî.
• Kobanê de ciwanî vera çekanê kîmyewîyan waran de bî 

  Kobanê de serkêşîya Yewîya Wendakaranê Demokratîkan de bi seyan kesî vera şuxulnayîşê çekanê kîmyewîyan ê dewleta tirke vejîyayî waran.
• 'Gonîya kênaya mi de destê PDKyî est o'  

  Vesfîya Mehmûd Beşîra ke kênaya ci Rûksene Zagros hêrişê kîmyewî de şehîd bibî, vat: ''Gonîya kênaya mi de destê PDKyî est o. Xora rojêke do qesasê şehîdan bêro girewtene.''
• Zerrîya roniştoxanê Girê Sipî de hêvîya agêrayîşî est a 

  Kampa ke tede hezar û 260 roniştoxê Girê Sipî manenê, rixmê hende mesele û kêmasîyan zî pabeya roja qedîyayîşê îşxalî ya.
• Reqa bîye şaristanê haştî û yewîye  

  Hetkarê Hemserekanê Meclîsê Sivîlî yê Reqa Evdilselam Hemsorikî ard ziwan ke DAÎŞî şaristan xera kerdbi û vat înan şaristan kerdo şaristanê haştî û yewîye.
• Raştîya faşîste ya dewleta tirke Efrîn de reyna eşkera bîye 

  Raştîya faşîste ya dewleta tirke ke hetê taktîkî ra newe, hetê stratejîkî ra nêvurîyena, Efrînê îşxalkerdeyî de şerê mabênê cergan de reyna eşkera bi.
• Tebqa de 17 cergê DAÎŞî tepişîyayî 

  Operasyonê hemparî yê Hêzanê Asayîşê Zereyî û QSDyî de Tebqa de 17 cergê DAÎŞî ameyî tepiştene.
• Enternasyonalîst Ertl: Rojawan nimûne yo 

  Enternasyonalîst Argala Ertlo ke 2021 de Spanya ra şîyo Rojawanî, îfade kerd ke Şorişê Rojawanî seba demokrasîya radîkale yew nimûne yo.
• Şarê Efrînî vera çekanê kîmyewîyan vejîya waran 

  Şarê Efrînî yo ke Şehba de koçber o, vera hêrişanê kîmyewîyan ê dewleta tirke ya îşxalkere çalakîya rayraşîyayîşî kerde.
• Cergê dewleta tirke kewtî pê: Bi desan cergî kişîyayî 

  Sûrîye û Rojawan de cergê dewleta tirke ya îşxalkerî kewtî pê. Goreyê agahîyan nê pêkewtişan de 60 cergî kişîyayê.
• Artêşa tirke pê droneyanê çekdaran da baregehê Şamî ro 

  Artêşa tirke pê droneyanê çekdaran dewa Minixî ya Kantonê Şehba de da baregehê hêzanê hukmatê Şamî ro.
• Xelîl: Seba îşxalî bahaneyî virazîyenê 

  Endamê Konseya Hemserekîya PYDyî Aldar Xelîlî bale ante ser ke dewleta tirke seba hêrişê îşxalî yê neweyî xîret kena ke bahaneyan viraza û vat: ''Dewleta tirke kena ke rengê hêrişan bivurna.''
• Îdareyo Xoser binê barê îşxalî de yo  

  Artêşa tirke ya îşxalkere Efrînî ra dima Serêkanîyê û Girê Sipî îşxal kerdî û roniştoxê nê cayan zî kampanê Îdareyê Xoserî de ca bîyî. Barê nê kampan têna milê Îdareyê Xoserî de yo.
• Şêrawa û Şehba dîyayî bombayan ver  

  Dewleta tirke ya îşxalkere reyna Kantonê Şehba û qezaya Şêrawa ya Efrînî dayî bombayan ver.
• Til Temir de wesayîto sîvîl ame hedefgirewtene 

  Dewleta tirke ya îşxalkere Til Temiro ke pabesteyê Kantonê Hesekê yo de yew wesayîto sîvîl hedef girewt
• Komployê 9ê Teşrîna Verêne: Şarê Rojawanî herikîya waran 

  Xeylêk şaristananê Rojawanê Kurdîstanî de bi hezaran kesan Komployo Mîyanneteweyî yê 9ê Teşrîna Verêne şermezar kerd.
• HRE: 5 polîsê taybetî û cergêkê dewleta tirke kişîyayî 

  HRE da zanayene ke Bab û Şêrawa de hêzanê înan çalakîyê qesasî kerdê û nê çalakîyan de 5 polîsê tîmanê taybetan (POH) û cergêkê dewleta tirke ya îşxalkere ameyê kiştene.
• Komîteya Koçberan bîlançoya îşxalî ya 3 serran eşkera kerde 

  Komîteya Koçberan bîlançoya îşxalê dewleta tirke yê vera Girê Sipî û Serêkanîyê ya 3 serran eşkera kerde û vat: ''511 kesî tepişîyayî, 185 kesî ameyî remnayene, 325 kesan îşkence dî, 92 kesî ameyî remnayene bi Tirkîya û 56 kesî ameyî qetilkerdene.''