AKTUEL

Xeberê peyênî

• Domano ke raştê îşkenceyî ame hîrê polîsî teşhîs kerdî 

  Qezaya Lîce ya Amedî de 21ê adare de domanêk raştê îşkenceyê giranî yê polîsan amebi. Y. D.yî hîrê polîsê îşkencekerî teşhîs kerdî.
• Veradayîşê Dayîka Haştîye Xense Bulut ame peydeeştene 

  Dayîka Haştîye Xense Bulut seba ke ''poşmanîye'' qebul nêkerd, veradayîşê ci hendê hîrê aşman ame peydeeştene.
• Partîya Çep a Hewze Îstanbul de startê vîjnayîşî da  

  Partîya Çep a Hewze Îstanbul de standê xo yo verên ê vîjnayîşî Meydanê Îskele yê Kadikoyî bi govende akerd. Hetê bînî ra Partîya Çep a Hewze û HDP do 30ê adare de Beyannemeyê Vîjnayîşî eşkera bikerê. 
• Buroyê Huqûqî yê Asrinî: Wa qerarê tedbîrî cade bêrê caardene 

  Buroyê Huqûqî yê Asrinî vist vîrî ke di serrî yo Rayberê Şarê Kurdî Abdullah Ocalan û tepişteyanê bînan ê Îmraliyî ra xebere nîna girewtene û vat: ''Gerek qerarê tedbîrî yê Komîsyonê Heqanê Merdiman ê Neteweyanê Yewbîyayeyan cade bêrê caardene.''
• Bazîd de eynî keyeyî ra 5 kesî ameyî destbendkerdene 

  Bazîdê Agirî de bîn şewe polîsan eşt keyeyê Ergulî ser û panc kesî destbend kerdî.
• Paris de ciwanan çalakîya bêîteatîya sîvîle kerde 

  Paris de ciwanan semedê azadîya Rayberê Şarê Kurdî Abdullah ocalanî çalakîya bêîteatîya sîvîle kerde.
• Îzmîr de panc cinîyî ameyî tepiştene 

  Îzmîr de Endamê Heyetê Rayberdişê Merkezî yê HDPyî Îdîl Ugurlu zî tede panc cinîyî ameyî tepiştene. HDPyî vera tepiştişê cinîyan hêrsê xo ard ziwan û vat roja hesabî nêzdî ya.
• Îtîfaqê Kede û Azadîye protokolê xo teslîmê Heyetê Vîjnayîşê kerd 

  Îtîfaqê Kede û Azadîye protokolê xo teslîmê Heyetê Vîjnayîşî yê Berzî kerd û vat hedefê înan înşakerdişê demokrasîyî yo.
• HDP: Hedefê ma yo stratejîk wardayîşê îqtîdarê qirkerî yo 

  Hemserekanê pêroyî yê HDPyî ke kombîyayîşê hemserekanê bajaran ê partîyanê xo de qisey kerd, vat: ''Ma bi hedefê 100 parlamenteran amadekarîya xo kenê. Hedefê ma yo stratejîk wardayîşê nê îqtîdarê qirkerî yo.''
• Keyeyan semedê pêvînayîşê Îmraliyî muracat kerd 

  Keyeyê Rayberê Şarê Kurdî Abdullah Ocalanî û merdimanê tepişteyanê bînan ke Îmrali de yê, semedê pêvînayîşî newe ra muracat kerd.
• Qereyazî de mabênê kuçeyî de îşkenceyê polîsan 

  Qezaya Qereyazî ya Erziromî de yew rotoxo gêrok û di lajê ci mabênê kuçeyî de raştê îşkenceyê polîsan ameyî.
• Îlhame Ehmed: Sîyasetê qirkerdişî yê vera kurdan caverdê 

  Îlhame Ehmeda ke şayîyê Newroza emserî erjnayî, veng da hêzanê mîyanneteweyî ke semedê qedînayîşê polîtîkaya qirkerdişî ya vera kurdan, wa berpirsîyarîya xo bîyarê ca.
• Îzmîr de endama HDPyî Berfîne Çîçek ameye tepiştene 

  Endama Meclîsê Ciwanan ê HDPyî Berfîne Çîçek Îzmîr de destbendkerdişî ra rojêke dima ameye tepiştene.
• Sancar: Ma do pîya ser bikewê û nê sîstemî bibedilnê  

  Hemserekê Pêroyî yê HDPyî Mîthat Sancarî vat: ''Berpirsîyarîya ma ya bedilnayîşê sîstemî zêdîyaye. Ma do sey Partîya Çep a Hewze bikewê vîjnayîşî. Ma do pîya serbikewê, yewna çareyê ma çîn o.''
• 'Ma 25ê adare de Newroza Frankfurtî de bêrê têhet' 

  Hemserekanê KON-MEDî semedê tewrbîyayîşê Newroza merkezî ya ke do 25ê adare de bajarê Frankfurtî de bêro kerdene, veng da û ca û saetê weriştişê otobusan pare kerdî.
• Nobeta Azadîye hetê koma cinîyan a Parisî ra ameye dewrgirewtene 

  Nobeta Azadîye ya ke semedê Rayberê Şarê Kurdî Abdullah Ocalanî Strasbourg de yena domnayene, hetê koma cinîyan a Parisî ra ameye dewrgirewtene.
• Hemserekê Pêroyî yê DBPyî Bayindir zîndanî ra vejîya 

  Hemserekê Pêroyî yê DBPyî Keskîn Bayindir roniştişê verênî de Zîndanê Amedî ra vejîya. Bayindirî vejîyayîşê zîndanî de vat gerek ma amayoxê şarê xo qezenc bikerê û semedê têkoşînî veng da.
• Ferît Şenyaşar bi vernamzedê HDPyî 

  Ferît Şenyaşaro ke pîya bi dayîka xo Emîne Şenyaşar 2018î ra nata Nobeta Edaletî rayra beno, waştişê HDPyî ser bi vermanzedê ci.
• Polîsanê tirkan Lîce de domanêkî rê îşkence kerd 

  Qezaya Lîce ya Amedî de polîsanê tirkan domanêk derba mergî kişt û dima fek û destê ci girêdayî û eşt kişta dereyî.
• Mehkemeya Qanûnê Bingeyî muracatê HDPyî red kerd 

  HDPyî waştbi ke dewaya qefilnayîşî wa dimayê vîjnayîşî rê bêro peydeşetene. Mehkemeya Qanûnê Bingeyî muracatê peydeeştişî red kerd.
• Semedê şehîdanê YATî merasîm ame kerdene 

  Şehîdê YATî ke Başûrê Kurdîstanî de qezaya helîkopterî de şehîd bîyî, cenazayê înan bi merasîmêkî ameyî raştkerdene. Şehîdî do Qamişlo, Dêrik, Kobanê û Şehba de bêrê definkerdene.
• Îtîfaqê Kede û Azadîye: Ma namzed nêvejenê, ma do hesab bipersê 

  Îtîfaqê Kede û Azadîye eşkera kerd ke ê do vîjnayîşê serekkomerîye de namzed mevejê û vat: ''Ma qerardar ê ke nê îqtîdarî ra hesab bipersê.''
• Newroza Swîsre de semedê yewîya neteweyîye ame vengdayene 

  Swîsre de şayîyanê Newroza ke yena manaya ganîbîyayîş û xoverdayîşî de semedê yewîya neteweyîye ame vengdayene.
• KCK: Aşma Remezanî wa bibo wesîleya wayûbiratîye 

  Komîteya Şaran û Bawerîyan a KCKyî mesajê xo yê semedê Aşma Remezanî de vat: ''Wa îbadetê na aşme bibê wesîleya wayûbiratîya şaran û bawerîyan.''
• Newroza Amedî de 160 kesî ameyî destbendkerdene 

  Badê şayîya Newroza Amedî domanî zî tede tewr tay 160 kesî ameyî destbendkerdene.