AKTUEL

Xeberê peyênî

• Farqîn de terorê dewlete: 13 kesî ameyî destbendkerdene 

  Polîsanê tirkan qezaya Farqînî ya Amedî de saetanê serê sibayî de eşt xeylêk keyeyan ser û  13 kesî destbend kerdî.
• Anqara de 3 ciwanî ameyî destbendkerdene 

  Anqara de bi bahaneya ke Qirkerdişê Garî yê 10ê Teşrîna Verêne ya 2015î pê 'nuştişê serê dêsan' visto vîrî 3 ciwanî ameyî destbendkerdene.
• Îstanbul de sereştişan de 200 arêdayoxê kaxitî ameyî destbendkerdene 

  Polîsanê tirkan qezaya Ataşehîrî ya Îstanbulî de eşt adresanê arêdayoxanê kaxitan ser û tewr tay 200 kesî destbend kerdî.
• Bedlîs û Îstanbul de hûmara destbendkerdeyan zêdîyaye 

  Bedlîs û qezayanê ci de vizêr polîsan û leşkeran eşt xeylêk keyeyan ser û 8 kesî destbend kerdî. Îstanbul de zî wendakranê ke destbendkedişê embazanê xo protesto kerd înan ra 5 kesî ameyî destbendkerdene.
• Gerîlaya YJA Starî Yildize Bahadir badê 6 mengan ameye definkerdene 

  Gerîlaya YJA Starî Yildize Bahadir ya ke cenazaya ci badê 6 mengan teslîmê keyeyê ci bîye, ameye definkerdene.
• Êlule de xeylêk rojnamegeran rê dewa ameye akerdene 

  DFGyî pare kerd ke êlule de 6 rojnamegeran ser o tehqîqat ame akerdene, 7 rojnamegeran rê dewa ameye akerdene û cezaya zîndanî ya 27 serran û 3 mengan dîyaye 6 rojnamegeran.
• KCDK-E: Vera çekanê kîmyewîyan vejîyê kuçeyan 

  6ê teşrîna verêne (siba) semedê protestokerdişê şuxulnayîşê çekanê kîmyewîyan Ewropa, Awustralya û Kanada de do çalakîyî bêrê kerdene. KCDK-E semedê tewrbîyayîşê çalakîyan veng da.
• Cezaya ci qedîyaye, mezgê ci de tumor esto la vera nêdîyeno! 

  Tepişteyo nêweş Atîlla Coşkuno ke mezgê ci de tumor esto rixmo ke înfazê ci temam bîyo bi bahaneya cezaya dîsîplînî vera nêdîyeno.
• Avûkatanê Rayberê Şarê Kurdî seba pêvînayîşî reyna muracat kerd 

  Avûkatanê Rayberê Şarê Kurdî Abdullah Ocalanî yê ke bi serran o nêeşkenê muwekîlê xo bivînê, semedê pêvînayîşî reyna muracatê Serdozgerîya Komare ya Bursa kerd.
• Bedlîs de 2 kesî ameyî destbendkerdene  

  Bedlîs de sereştişê polîsanê tirkan de 2 kesî ameyî destbendkerdene.
• Roşnvîr û sîyasetmedarê Başûrî paştî danê Kampanyaya 'Ocalanî rê Azadîye' 

  Başûrê Kurdîstanî de roşnvîr û sîyasetmedaran paştî daye Hashtagê Meclîsê Dîjîtalî yê Kurdîstanî ke 8ê teşrîna verêne de semedê azadîya Rayberê Şarê Kurdî Abdullah Ocalanî dest pêbikero.
• Tepişteyê ke ferzkerdişan qebul nêkenê nêerşawîyenê nêweşxane 

  Tepişteyê Zîndanê Wanî semedo ke koxûşan de vetişê saete û kemeran qebul nêkenê, nêerşawîyenê nêweşxane.
• 'Rojdemê ma ganî tim Rayberîye bo' 

  Cinîyê ke tewrê Kampanyaya 'Azadîye do ser bikewo-semedê Ocalanî têbigêrê' bîyî ard ziwan ke şarê kurdî ameyoxê xo azadîya Rayberîye de vîneno û semedê serferberîye veng da.
• Îtîfaqê Averwazî bire daye ke paştdayîşê xo yê bi HDPyî pîl bikero  

  Îtîfaqê Averwazî yo ke binê sîwana ci de 93 welatan ra 135 partîyê sosyalîst û demokratî ca gênê bire daye ke paştdayîşê xo yê bi HDPyî pîl bikero.
• Dewaya Roboskî ameye taloqkerdene  

  Roniştişê dewaya 16 kesanê ke semedo ke qurbanê Qirkerdişê Roboskî yad kerdbî ameyêne muhakemekerdene ame taloqkerdene.
• TAJÊ: Ma hêrişanê PDKyî qebul nêkenê 

  Têgêrayîşê Azadîya Cinîyan ê Êzidîyan (TAJÊ) pare kerd ke ê do destûr nêdê ke PDK semedê îşxalî debikewo Şingalî.
• IPPNWî venga NYyî da: Kurdîstan de dest pê cigêrayîşî bikerê  

  Yewîya Hekîman a Mîyanneteweyîye ya Semedê Vergirewtişê Şerê Nukleerî (IPPNW) semedo ke  HPG û KCKyî bi eşkerayîyan pare kerd ke dewleta tirke çeka kîmyewîye şuxilnena venga Neteweyanê Yewbîyayeyan da ke dest pê cigêrayîşî bikerê.
• Haci Lokman Bîrlîk serê gorê xo de ame yadkerdene  

  Haci Lokman Bîrlîko ke 6 serrî verî Şirnex de amebi qetilkerdene û cenazaya ci peyê wesayîtê zirxînî ra amebî kaşkerdene serê gorê xo de ame yadkerdene.
• Qoricîyî hêrişê hemserekê verênî yê DBPyî yê Dêrsimî kerd 

  Hemserekê verênî yê DBPyî yê Dêrsimî Alî Kurtî da zanayene ke qoricîyê bi nameyê Vedat Kayayî pê wesayîtî verê ci girewt û çeke darte ci.
• Polîsanê Fransa hêrişê çalakwanan kerd 

  Ciwanê ke azadîya Rayberê Şarê Kurdî Abdullah Ocalanî wazenê verê Dêrê St.Maurice yê Strasbourgî de bi xeyman çalakîya roniştişî kenê. Polîsan hêrişê çalakwanan kerd.
• Strasbourg: Hinî bes o, cade nika Ocalanî rê azadîye 

  Hemserekê KONGRA-GELî Remzî Kartalî veng da dezgehanê mîyanneteweyî ke wa semedê azadîya Rayberê Şarê Kurdî Abdullah Ocalanî vengê xo berz bikerê.
• Amed: Sîstemê înfazî yo newe ganî bêro bedilnayene 

  Amed de derheqê binpaykerdişê heqanê tepişteyan de panel ame kerdene. Panel de bale ameye ser antene ke vera kurdan huqûqê dîşmenîye yeno caardene û ame vatene ke ganî sîstemê înfazî yo newe cade bêro bedilnayene.
• Strasbourg: Dem demê azadîya Abdullah Ocalanî yo 

  Kurdî û dostê înanê ke Strasbourg de verê banê Konseya Ewropa de ameyî têhet azadîya Rayberê Şarê Kurdî Abdullah Ocalanî wazenê.
• Wextê ci yo: Wirzê payan ser 

  Aktîvîstanê JXKyî Basel de seba ke dewleta tirke vera gerîlayan çekanê kîmîyewîyan şuxulnena çalakîye kerde. ''Ciwanan vat: Wext wextê xoverdayîş o, ganî heme ciwanî cade wirzê payan ser.''
• Keyeyê Şenyaşarî: Heta peynî ma do têkoşîn bikerê 

  Keyeyê Şenyaşarî yo ke verê Edlîyay Riha de xo ver dano vat ke ê do heta peynî semedê edaletî têkoşîn bikerê.