Recep Hantaş 14'ê Nîsane de taxa Şehîtlîkî ya qezaya Yenîşehîrî ya Amedî de hetê polîsan ra amebi kiştene û dîmenê serebutî vejîya werte.

Rîyê înan girewte nêbi, hîşyarîya ‘vinde’ nêameye dayene

 Dîmeno ke hetê kamerayanê Sîstemê Rayberîya Asayîşî ya Bajarî ra ameyo antene, hetê ekîpanê Beşê Asayîşê Midûrîyeta Asayîşî ya Amedî ra ame etudkerdene û dosyaya dewaye de ame cakerdene. Raporê etudkerdişê dîmenî de vejîya werte ke eşkerayîya Walîtîya Amedî ya derheqê serebutî rast nîya. Walîtîye vatibî, “2 kesê ke rîyê ci girewte bi”.Walîtîya Amedî hetê bînî ra îdîa kerdibî ke hîşyarîya “vinde” ameya dayene û her di şexsî ver bi ser a personelî vaz dayê. Labelê dîmen de çîyêko bi nê hawayî çin o.