KURDISTAN

Xeberê peyênî

• Şarê Başûrî: Ma do îşxalkeran erdê xo ra vejê! 

  Şarê Başûrê Kurdîstanî pare kerd ke ê nêwazenê dewleta tirke ya îşxalkere erdê înan ser o bimanê û vat: ''Bêrê ma îşxalkeran erdê xo ra vejê.''
• ÎMOyî derheqê erdlerzê Wanî de hîşyarîye daye 

  Serekê Odaya Muhendisenê Înşaatî ya Wanî (ÎMO) Firat Durmazî vist vîrî ke Wan de 10 serran de 3 erdlerzê pîlî bîyî û vat ke vera erdlerzê muxtemelî qet yew tedbîr nêame girewtene.
• KCÊE seba Şingalî veng da: Ma vejîyê meydanan 

  Koordînasyonê Komelê Êzidxanî yê Ewropa (KCÊE) seba wayîrvejîyayîşê Şingalî venga her kesî da ke tewrê çalakîyanê 26 û 27ê teşrîna peyêne bibê.
• 'Reformê huqûqî pê qedînayîşê tecrîdî beno' 

  Avûkat Serdar Çelebî da zanayene ke tecrîdê vera Rayberê Şarê Kurdî Abdullah Ocalanî qet huqûqî nîyo û vat: ''Reformê huqûqî pê qedînayîşê tecrîdî beno.''
• Çewlîg de wendekarê dewe perwerdeyê online ra îstîfade nêkenê 

  Wekîlê HDPyî yê Çewlîgî Erdal Aydemîrî da pêhesnayene meseleya înternetî ra dewan de wendekarî nêeşkenê perwerdeyê dûrî ra îstîfade bikerê.
• Karayilan: Rejîm hînî rijîyeno 

  Endamê Komîteya Rayberdişî ya PKKyî Murat Karayilanî ard ziwan ke şerê vera faşîzmê AKP-MHPyî resa astêka girînge û vat: ''Ma bedelî dayî, ma danê. La rejîm ho rijîyeno. Ganî hînî bizanîyo ke ma eşkenê rejîm çin bikerê.''
• Sewqîyato leşkerî yê ver bi Şingalî zêdîya 

  Peymana Bexdad-Hewlêr-Anqara ra dima sewqîyato leşkerî yê ver bi Şingalî zêdîya. Mîyanê 2 rojan de tewr tay 8 hezar leşker û hêzê leşkerî ameyî sewqkerdene.
• 'Têkoşîno destanwarî û pawitişê kurdan PKKyî reyde gandar bîyî' 

  'PKK bi têkoşînê xo eşkeno ê kurdê ke ameyî parçekerdene rêxistin bikero û vengê înan biresno dinya.'
• KCK: Seba PKKyî zor û zehmetî sebebê têkoşînî yê 

  Hemserekîya Konseya Rayberdişî ya KCKyî bi wesîleya serrgêra 42. ya ronayîşê PKKyî eşkerayîyêke daye û ard ziwan ke PKK destanê gandarbîyayîşî yo. KCKyî vat: ''Seba PKKyî zor û zehmetî sebebê têkoşînî yê.''
• Mehkeme 'nameyê Dêrsimî' red kerd! 

  Weqfa Tarîx û Kulturî ya Dêrsimî seba ronayîşê xo muracatê mehkeme kerd. La mehkeme bi bahaneya ke 'Dêrsim' nameyêko fermî nîyo û paştdayîşê bi xebetanê tarîxê elewîtî û Dêrsimî vera yewîya 'mîllî' yo waştiş red kerd.
• Netîcenameyê 'Komxebata Dîyalogê Zereyî' 

  Netîcenameyê konferansê geşkerdişê dîyalogê zereyî yê mabênê KNK û Yewîya Parlamenteranê Kurdîstanî ame eşkerakerdene. Netîcename de seba qedînayîşê alozîyanê zereyî vengdayîşêko girîng esto.
• Fermandarê şerwaştoxî yê PDKyî Kanî Masî de yê 

  Kanî Masî de têgêrayîşê PDKyî zêdîyeno. Ewro dewa Qumriye de hêzanê PDKyî bendêko bîn ê kontrolî viraşt. Bi nê hawayî herêma Metîna de 3 rojan de 3 bendê kontrolî ameyî cakerdene.
• Cenazaya şehîdî eşkerakerdişê DNA ra verî ameye definkerdene 

  Cenazaya şehîd Abdullah Koçak verî ke netîceya testê DNA eşkera biba goristanê bêkesan de ameye definkerdene.
• PDK peyê provokasyonanê neweyan de yo 

  Çimeyanê cayayîyan da zanayene ke hêzê PDKyî  hîrêgoşeyê mabênê waranê Hecî Umran û Çoman, Begova, Batufa û  Seferê Petrolê Brîfkara ra ravêrtî, şîyî Kanî Masî.
• Kalkan: Ma qerardar û bicoş ê, ma  do qetî ser bikewê 

  Endamê Komîteya Rayberdişî ya PKKyî Duran Kalkanî ard ziwan ke ê bi armancê serkewtişan ê pîlan dest pê serra 43. kenê û vat: ''Ma qerardar û bicoş ê. Ma do qetî ser bikewê.''
• Irakî hêzê xo yê leşkerî sewqê Şingalî kerdî 

  Dîya zanayene ke hêzê Iraqî ke şîyî Şingal zafê înan Koyê Kolikî yo ke keweno rojawanê Şingalî de ameyî cakerdene.
• Bedlîs de 5 kesî ameyî destbendkerdene 

  Operasyonê qirkerdişê sîyasîyî yo ke Bedlîs de ame kerdene de 5 kesî ameyî destbendkerdene.
• Gerîlayan PDK hîşyar kerd 

  Gerîlayanê HPG û YJA Starî hêzê PDKyî ke Metîna de ameyî cakerdene hîşyar kerdî la înan goştarîya gerîlayan nêkerd û amadekarîya provokasyonî rê dewam kenê.
• Hêzê çekdarî yê taybetî yê PDKyî şarî rê zext kenê 

  Hêzê çekdarî yê taybetî yê PDKyî ke  ke warê Garê de ameyî cakerdene, vera sîvîlanê ke Nehle û Zêbarî de ciwîyenê polîtîkaya zextî rayra benê.
• Zap û Avaşînî ser o bombayî ameyî varnayene 

  HPGyî da pêhesnayene ke artêşa tirke 21 û 23ê teşrîna peyêne de waranê Zap û Avaşînî yê Herêmanê Pawitişî yê Medya ser  bombayî varnayî.
• Raporê Kurdîstan de barbarîya camêrdan 

  Vakurê Kurdîstanî de mîyanê serrêke de 42 cinîyî kişîyayî, 33 cinîyan xo kişt û 33 cinîyî zî bi hawayêkê şikdarî merdî.
• Polîsan Şemrex de hêrişê şarî kerd 

  Qezaya Şemrexî ya Mêrdînî de alozîya DEDAŞî de polîsan bi awa tazyîkîne û gazê îsotî hêrişê şarî kerd.
• DAM: Dêrsim de tarîqatî bi sîstematîkî xo rêxistin kenê! 

  Merkezê Cigêrayîşanê Dêrsimî (DAM) Dêrsim de rêxistinbîyayîşê tarîqatan ser o cigêrayîşêk kerd. Goreyê cigêrayîşî tarîqatî bi sîstematîkî xo rêxistin kenê.
• Licê de operasyono leşkerî dîya destpêkerdene 

  Herêma vakurê qezaya Licê ya Amedî ya ke sey warê Şehîd Remzîyî yena zanayene de operasyono leşkerî dîya destpêkerdene.
• Polîsan eşt buroyê Ajansê Mezopotamya yê Wanî ser 

  Bado ke saetanê serê sibayî de muxabîrê Ajansê Mezopotamya Dîndar Karataş ame destbendkerdene, buroyê Ajansê Mezopotamya yê Wanî hetê polîsan ra ame sereştene.