AKTUEL

Xeberê peyênî

• Mehkemeya Berze nameyê HEDEPî red kerd 

  Mehkemeya Berze ya Temyîzî nameyê Partîya Têdûştîye û Demokrasîyî ya Şaran (HEDEP) qebul nêkerd.
• Maden rijîya: 3 karkeran dinyaya xo bedilnaye 

  Sêrt de madenê Eti Bakirî rijîya. Serebût de 3 karkeran dinyaya xo bedilnaye.
• Xarpêt de tehlîyeyê tepişteyan yenê astengkerdene 

  Zîndanê Bi Asayîşê Berzî yê Xarpêtî de tepişteyî bi hawayêkê keyfîyî nênê veradayene.
• Gerîla Babayîgîto ke cuya ci ser o qesawet est o, avûkatê xo dî 

  Gerîlayê HPGyî Yunus Babayîgîto ke goreyê îdîayan şehîd bîyo, eşkera bi ke erşawîyayo zîndanî. Qesawetê keyeyî ser o avûkatêk Zîndanê Erzîncanî de Babayîgît de pêvînayîş kerd.
• Rewşa Cemal Tanhanî krîtîk a 

  Nêweşê kanserî Cemal Tanhano 68 serre yo ke Nêweşxaneyê Şaristanî yê Eskîşehîrî de yeno dermankerdene, rewşa ci ya weşîye krîtîk bîye.
• Suryanîyan seba azadîya Abdullah Ocalanî veng da 

  Meclîsê Neteweyîyî yê Bethnahrinî (MUB) waşt ke tecrîdê vera Rayberê Şarê Kurdî Abdullah Ocalanî bêro wedaritene û Ocalan bêro veradayene.
• Amed de 8 kesî ameyî destbendkerdene 

  Çarçewa tehqîqatêkê Serdozgerîya Komare ya Dîyarbakirî de Amed de Hetkara Hemserekanê Partîya Bindestan a Sosyalîste (ESP) Beycane Taşkiran zî tede 8 kesî ameyî destbendkerdene.
• Nuştoxa yunane Pilavakiye: Seba Ocalanî ganî ma xoverdayîşî pîl bikerê 

  Nuştoxa yunane Despoye Pilavaki vat: ''Ganî ma her wextî ra zêdeyêr xoverdayîşî pîl bikerê. Çunke heta ke Abdullah Ocalan azad nêbo ma do azad nêbê.''
• Bakirhan: Seba çareserîye adres Îmrali yo 

  Hemserekê HEDEPî Tuncer Bakirhanî ard ziwan ke seba çareserîya meseleya kurdan adres Îmrali yo û vat: ''Eke şima Birêz Ocalanî de ronişê û qisey bikerê eşkenê meseleya kurdan çareser bikerê.''
• Keyeyê gerîla Babayîgîtî ganê lajê xo ra qerqilîyeno 

  Selahîyetdaranê tirkan îdîa kerd ke Erzîngan de gerîlayê HPGyî şehîd bîyê ke nînan ra yew zî Yunus Babayîgît (Aras Dîgor) o. Keyeyê Babayîgîtî seba ke agahîye nêna dayene ci cuya lajê xo ra qerqilîyeno.
• Ugur Kaymaz û babîyê ci serê goranê xo de ameyî yadkerdene 

  Ugur Kaymaz û babîyê ci Ahmet Kaymaz ê ke Mêrdîn de 21ê teşrîna peyêne ya 2004î de ameybî qetilkerdene, serê goranê xo de ameyî yadkerdene.
• Avûkatan semedê pêvînayîşê Îmraliyî muracat kerd 

  Avûkatanê Rayberê Şarê Kurdî Abdullah Ocalanî semedê pêvînayîşî muracatê Serdozgerîya Komare ya Bursa û Mudirîya Zîndanê Îmraliyî kerd.
• Anqara de 10 kesî ameyî destbendkerdene 

  Anqara de operasyonê qirkerdişê sîyasîyî de tewr tay 10 kesî ameyî destbendkerdene.
• Tepişteyo 68 serre bi kelemçeyan beşê lezgînî de yo 

  Zîndanê Êlihî de Yusuf Arslano 68 serre seba ke gonîye şîye mezgê ci, wedarîya beşê lezgînî la bi hawayêkê kelemçekerdeyî tepişîyeno.
• ÎHD: Çîyê ke Îmrali de qewimîyenê îşkence yê, wa tecrîd wedarîyo 

  ÎHDyî derheqê Rayraşîyayîşê Azadîye yê Gemlîkî de eşkerayîyêke daye û pare kerd ke çîyê ke Îmrali de qewimîyenê îşkence yê û ganî cade tecrîd bêro wedaritene.
• Cinîyan ê HEDEPî verê Zîndanê Sîncanî de startê 25ê Teşrîna Peyêne da 

  Meclîsê Cinîyan ê HEDEPî verê Kampusê Zîndanê Sîncanî de startê kampanyaya xo ya Roja Têkoşînê Vera Şîdetê Serê Cinîyan a 25ê Teşrîna Peyêne da.
• Tepişteyo nêweş Tanboga wedarîya nêweşxane 

  Tepişteyo nêweş Îsmaîl Tanbogayo ke rewşa ci xirab bîya wedarîya Nêweşxaneyê Zanîngehê Dîcle.
• Konferansê Modernîteya Demokratîke: Ganî paştdayîşo enternasyonel pîl bibo 

  Fînalê Konferansê Modernîteya Demokratîke de veng dîya ke wa paştdayîşo enternasyonal bêro pîlkerdene û warê xoverdayîşî yê hemparî bêrê zêdînayene.
• Çewlîg de di otobusî qeldîyayî, 22 kesî birîndar bîyî 

  Çewlîg de rîyê vewre û pukî ra di otobusî qeldîyayî. Wird qezayan de  22 kesî birîndar bîyî.
• 'Îstanbul de ma do bibê vengê kurdan û pêro şaran' 

  Rêxistina HEDEPî ya Îstanbulî ya ke çend rojî verî kongreya xo ya îstîsnayîye ya diyîne kerdbî, goreyê rexneyanê şarî dest pê amadekarîya weçînayîşanê herêmîyan kerd.
• 'Dewlete key Terteleyê Dêrsimî de têrî bêra bena demokratîke' 

  Îstanbul de Seyîd Riza û embazê ci panelê DADî de ameyî yadkerdene. Panel de Hemsereka DADî Kadrîye Dogan pare kerd ke dewleta tirke key Terteleyê Dêrsimî de têrî bera bena demokratîke.
• Raywanê Azadîye resayî Gemlikî: Birêz Ocalan ganî bibo azad 

  Hemsereka Pêroyî ya HEDEPî Tulaye Hatimogullari ya ke dekewtişê Gemlikî de eşkerayîye daye, vat, ''Bêrê ma pêro pîya Birêz Ocalanî biresnê azadîya ci ya fîzîkîye.''
• Rayraşîyayîşê Azadîye ver bi Gemlîkî şino 

  Îzmîr, Eskîşehîr û Îstanbulî ra girseyî seba azadîya Rayberê Şarê Kurdî Abdullah Ocalanî ver bi Gemlîkî kewtî rayîr.
• Konferansê Modernîteya Demokratîke ra seba Hemleya Azadîye destek 

  Konferansê Modernîteya Demokratîke yê Baselî paştî daye Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye.'
• Binê versîya xayînîye de sûcê şerî 

  Wexto ke artêşa tirke vera tunelanê şerî yê Girê Şehîd Pîrdoganî yê Amedîyê çekê kîmyewîyî şuxilnayêne dîmenê nînan ameyî qeydkerdene. Heman warî de PDK zî bi kepçeyan seba îşxalkeran ver bi tunelan rayîr beno.